पुढील आठ दिवस हे हिंदू धर्मियांसाठी अत्यंत महत्वाचे आहेत. या आठ दिवसांत श्रीरामनवमी, महावीर जयंती, हनुमान जयंती असे अनेक महत्वाचे सण उत्सव आहेत. त्यामुळे या महत्वाच्या सणांच्या दिवशी राज्यशासन परिपत्रका प्रमाणे लोणावळा विभागातील मटण, मांस, कत्तलखाने व इतर मांस विक्री दुकाने बंद ठेवण्यात यावीत, अशी मागणी भारतीय जनता पक्षाच्या मावळ तालुका अध्यात्मिक आघाडीच्या वतीने लोणावळा नगरपरिषदेकडे निवेदनाद्वारे करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
श्रीरामनवमी, महाविर जयंती, हनुमान जयंती हे हिंदुधर्मातील पवित्र सण असून हे तीनही सण आठ दिवसांच्या अंतरात येत आहेत. त्यापार्श्वभूमीवर शासकीय परिपत्रकाच्या आधारे लोणावळा नगरपरिषद प्रशासनाने तात्काळ मटण, मांस, कत्तलखाने व इतर मांस विक्री दुकाने वरील तीन ही दिवस बंद ठेवावेत, अशा स्वरूपाचे लेखी निवेदन लोणावळा नगरपरिषदेला देण्यात आले आहे. नगरपरिषदेचे उपमुख्याधिकारी शरद कुलकर्णी यांनी हे निवेदन स्वीकारले आहे. ( Demand for closure of meat selling shops in Lonavala in view of various Hindu festivals )
हे निवेदन देताना भाजपाचे अध्यात्मिक आघाडीचे सुनील महाराज वरघडे, नंदकुमार महाराज शेटे, भाजपा लोणावळा शहर अध्यक्ष अरुण लाड, माजी उपनगराध्यक्ष श्रीधर पुजारी, माजी नगरसेवक ललित सिसोदिया, सुनील गायकवाड, बाबू संपत यांच्यासह जैन समाजाचे काही प्रतिनिधी उपस्थित होते.
अधिक वाचा –
– मावळ विधानसभेत महायुतीचे ‘मिले सुर मेरा तुम्हारा’, कामशेत येथे महायुतीच्या प्रमुख पदाधिकाऱ्यांचा मेळावा संपन्न । Maval Lok Sabha
– यूपीएससी परीक्षेचा निकाल जाहीर! आदित्य श्रीवास्तव देशात पहिला, समीर खोडे महाराष्ट्रातून प्रथम । UPSC 2023 Result
– IPS सत्यसाई कार्तिक यांच्याकडून सिंहगड इन्स्टिट्युटच्या विद्यार्थ्यांना ‘संकल्प नशामुक्तीचा’ डोस, विद्यार्थ्यांवर राहणार ‘करडी’ नजर
