जगद्गुरू श्री संत तुकाराम महाराज पालखी सोहळ्यानिमित्त दरवर्षीप्रमाणे यावर्षीही वडगाव शहरातील श्री पोटोबा महाराज प्रासादिक पायी दिंडींचे श्री क्षेत्र पंढरपूरकडे आनंदी वातावरणात प्रस्थान झाले. प्रथमता वारकरी संप्रदायातील भाविक आणि शहरातील नागरिकांनी विणापूजन करत आरती केली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
ग्रामदैवत श्री पोटोबा महाराज मंदिरास प्रदक्षिणा घालून टाळ-मृदंगाच्या गजरात, विठूनामाच्या जयघोषात, भगव्या पताका खांद्यावर घेतलेले वारकरी, मृदुंगमणी, टाळकरी, लहान मुलांनी वारकऱ्यांच्या वेशभूषा करून तसेच डोक्यावर तुळशी वृंदावन घेऊन सहभागी झालेल्या महिलांनी भक्तिमय वातावरणात फुगडीचा फेर धरत दिंडीचे बाजारपेठेतून प्रस्थान झाले. यावेळी शहरातील जैन समाजाच्या वतीने पायी दिंडीवर फुलांची उधळण करत एकात्मतेचे दर्शन घडवले. ( Departure of Shri Potoba Maharaj Prasadik Dindi from Vadgaon Maval towards Pandharpur )
सहा वर्षांपूर्वी वडगाव शहर आणि कातवी, सांगवी, साते, मोहितेवाडी, जांभूळ, ब्राह्मणवाडी, विनोदेवाडी, वारंगवाडी या परिसरातील वारकऱ्यांच्या सोयीसाठी दिंडीचे अध्यक्ष हभप श्री. महेंद्र दत्तात्रय ढोरे यांनी श्री पोटोबा महाराज प्रासादिक दिंडी सुरू केली. यावेळी देवस्थानचे विश्वस्त आणि दिंडीचे पदाधिकारी, शहरातील नागरिक व पंचक्रोशीतील भाविक आणि समस्त ग्रामस्थ मोठ्या संख्येने सहभागी झाले होते.
अधिक वाचा –
– तळेगाव शहरात तिथीनुसार शिवराज्याभिषेक दिन साजरा ; दहावी – बारावी बोर्ड परीक्षेतील गुणवंत विद्यार्थ्यांचा सत्कार । Talegaon Dabhade
– पुणे जिल्ह्यातील 233 अतिसंवेदनशिल गावे ‘संभाव्य बिबट आपत्ती प्रवण क्षेत्र’ म्हणून घोषित । Pune News
– लोणावळा शहर बाजारपेठेतील वाहतूककोंडीवर कायमचा उपाय ! एकेरी वाहतुकीचा पर्याय फायनल । Lonavala News
