Dainik Maval News : संपुर्ण मावळ तालुक्यात आमदार सुनील शेळके यांच्या माध्यमातून राबविण्यात आलेल्या आदिम सेवा अभियानांतर्गत नाणे मावळातील गोवित्री, वळवंती येथील ५४ कातकरी बांधवांना जात प्रमाणपत्रांचे वाटप (सोमवार, दि.९) करण्यात आले. मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
गोवित्री, वळवंती गावातील कातकरी समाजातील अनेक नागरिकांकडे स्वातंत्र्याच्या अमृत महोत्सवानंतरही जातीचे दाखले उपलब्ध नाहीत. शैक्षणिक कामांसाठी, शासकीय योजनांचा लाभ मिळविण्यासाठी जात प्रमाणपत्र आवश्यक असते. परंतु या नागरिकांना जात प्रमाणपत्र काढण्यासाठी किचकट प्रक्रियेला सामोरे जावे लागते. योग्य मार्गदर्शन मिळत नसल्याने त्रास सहन करावा लागतो.
जातीचा दाखला नसल्याने विविध शासकीय योजनांपासून वंचित राहावे लागते. आजवर विविध शिबिरे, योजनांच्या नावाखाली आदिवासी बांधवांकडून केवळ कागदपत्रे जमा केली गेली. परंतु सर्व प्रक्रिया पूर्ण करुन दाखले कोणीही मिळवून देत नव्हते. त्यामुळे आश्वासनांशिवाय या नागरिकांच्या पदरात काहीच पडले नव्हते. परंतु आमदार सुनील शेळके यांच्या आदिम सेवा अभियानाचा या नागरिकांना मोठा आधार मिळाला आहे.
आमदार शेळके यांनी मात्र आदिम सेवा अभियानाची प्रभावीपणे अंमलबजावणी करीत तालुक्यातील प्रत्येक वाडी-वस्तीवर जाऊन नागरिकांच्या कागदपत्रांची पूर्तता करुन घेणे आणि शासन दरबारी सातत्यपूर्ण पाठपुरावा करणे, यामुळे आदिवासी बांधवांना अखेर जातीचे प्रमाणपत्र घरपोच उपलब्ध झाले आहे. अनेक वर्षांच्या प्रतीक्षेनंतर जातीचे दाखले मिळाल्याने नागरिकांनी समाधान व्यक्त केले. यावेळी आमदार सुनिल शेळके जनसंपर्क कार्यालयाचे प्रतानिधी सचिन वामन, रुपेश सोनुने, गणेश तळपे, अमोल पवार आणि ग्रामस्थ उपस्थित होते.
अधिक वाचा –
– मावळ तालुक्यात पावसाची रिपरिप सुरूच, पवना धरणाने गाठली शंभरी, लोणावळ्यात आतापर्यंत ५४७७ मीमी पाऊस
– देहूरोड कॅन्टोन्मेंट बोर्ड हद्दीतील प्रलंबित प्रश्नांबाबत खासदार – आमदार यांच्या उपस्थितीत आढावा बैठक । Dehu Road News
– सणासुदीच्या काळात अखंड वीज पुरवठ्यासाठी ‘महावितरण’ने दक्षता घ्यावी – खासदार श्रीरंग बारणे । Pimpri Chinchwad
