Dainik Maval News : तळेगाव दाभाडे नगरपरिषद माध्यमिक विद्यालय नं.२ आणि नं.६ येथील कर्मचाऱ्यांचे मानधन मे २४ पासून ते डिसेंबर २४ पर्यंत मिळाले नाही. यापुर्वीही सदर कर्मचाऱ्यांनी आपला कार्यालयात संपर्क साधला असून मुख्याध्यापकांनी लेखी पत्रव्यवहार केला आहे. तरीही मानधन न मिळाल्यामुळे तेथील कर्मचाऱ्यांची अर्थिक कुचंबना होत असून त्यांना श्री गणेश उत्सव, दसरा, दिवाळी आदी सणही साजरे करता आले नाहीत.
- कर्मचाऱ्यांची अर्थिक परिस्थिती हलाखिची झालेली आहे. तातडीने मानधन मिळाले नाही तर सदर कर्मचाऱ्यांवर उपासमारीची वेळ येणार आहे आणि यापुढे मानधन दरमहा वेळच्यावेळी देण्यात यावे अशा आशयाचे निवेदन संबंधित कर्मचाऱ्यांनी शुक्रवारी (दि.२४) तळेगाव दाभाडे नगरपरिषदेचे मुख्याधिकारी यांना दिले असून ते निवेदन उपमुख्याधिकारी यांनी स्वीकारले आहे. प्रांतांची सही झाली नसल्यामुळे सदर मानधन देता आले नाही असे यावेळी मुख्याधिकारी यांनी सांगितले. सदर निवेदनाची प्रत मावळचे विद्यमान आमदार यांनाही देण्यात आलेली आहे.
तळेगाव दाभाडे नगरपरिषद माध्यमिक शाळा नं.२ आणि नं.६चे कर्मचारी मे २४पासून डिसेंबर २४ पर्यंतचे मानधन न मिळाल्यामुळे उसनवारी करीत आहेत आता उसनवारीही बंद झाली आहे. तरी संबंधितांनी तातडीने दखल घ्यावी, अशी मागणी माजी नगरसेवक आणि महाराष्ट्र राज्य माहिती अधिकार कार्यकर्ता अरुण माने यांनी केली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– केंद्र सरकारकडून पद्म पुरस्कारांची घोषणा ! महाराष्ट्रातील चौदा जणांचा समावेश ; मनोहर जोशी यांना मरणोत्तर पद्मभूषण, अशोक सराफ यांना पद्मश्री
– महाराष्ट्रातील 48 पोलिसांना उत्कृष्ट सेवेकरिता ‘पोलीस पदके’ तर चार अधिकाऱ्यांना राष्ट्रपती विशिष्ट सेवा पदक – पाहा यादी
– महाराष्ट्रातील तिघांना ‘जीवन रक्षा पदक’ पुरस्कार जाहीर, देशात एकूण 49 व्यक्तींना मिळणार पुरस्कार – पाहा यादी
