Dainik Maval News : नाणे मावळ भागातील उकसान ग्रामपंचायत हद्दीतील वडीवळे धरण परिसरात अनेक ठिकाणी विनापरवानगी बांधकामे होत आहेत. उकसान ग्रामस्थांनी याबाबत पाटबंधारे विभागाला सूचित करून कारवाई करण्यासाठी वेळोवेळी पाठपुरावा केल्यानंतर विभागाकडून एका अनधिकृत बांधकामावर कारवाई करण्यात आली आहे.
उकसान ग्रामपंचायत हद्दीमधील गट नंबर ८७/१ मध्ये वडीवळे धरणाच्या हद्दीत धरण संचय पातळीमध्ये विनापरवानगी बांधकाम केले होते. त्याबाबत पाटबंधारे विभागाला कळविण्यात आल्यानंतर विभागाने वारंवार नोटीस बजावून संबंधितांना अतिक्रमण हटविण्यास कळविले. परंतु, संबंधितांनी धरण हद्दीतील बांधकाम न हटविल्याने अखेर विभागाने अतिक्रमण जमीनदोस्त केले आहे. यावेळी कामशेत पोलिसांचा बंदोबस्त तैनात केला होता.
धरण क्षेत्रामध्ये अतिक्रमण केलेल्या सर्वांना नोटीस बजाविण्यात आली आहे. संबंधितांनी त्वरित त्यांचे अतिक्रमण हटवावे, अन्यथा विभागाकडून अतिक्रमण हटविण्यात येईल. तसेच त्यांच्यावर कायदेशीर कारवाई करण्यात येईल, असे वडीवळे प्रकल्प प्रमुख संतोष शिंदे यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आम्हाला पैसे नको ! लाडक्या बहिणींना अर्ज पडताळणीची धास्ती, योजनेचा लाभ नको म्हणत ‘इतक्या’ बहिणींची माघार । Ladki Bahin Yojana
– आयपीएस सत्यसाई कार्तिक यांच्याकडून कारवायांचा धडाका ! अंमली पदार्थ, गांजा विक्री व बेकायदा जुगार खेळणाऱ्यांवर गुन्हे दाखल
– बोरघाटातील मिसिंग लिंक प्रकल्पाला ‘वीर हुतात्मा शिंग्रोबा धनगर’ यांचे नाव देण्याची मागणी । Mumbai Pune Missing Link
