Dainik Maval News : मावळ तालुक्यात एक धक्कादायक घटना घडली आहे. शेतातून जाऊ नको म्हटल्याने शेतकऱ्याच्या डोक्यात दगड घालून त्यास गंभीर जखमी केले. ही घटना सोमवारी (दि. 2) सकाळी तळेगाव दाभाडे शहराजवळील माळवाडी येथे घडली.
नथू भिकाजी दाभाडे (वय 49, रा. माळवाडी, तळेगाव दाभाडे) असे जखमी शेतकऱ्याचे नाव आहे. त्यांनी याप्रकरणी तळेगाव एमआयडीसी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी किशोर दाभाडे याच्या शेतात काम करणारा मजूर फिर्यादी नथू दाभाडे यांच्या शेतातून जात होता. त्यामुळे त्याला शेतातून जाऊ नको असे नथू दाभाडे यांनी सांगितले. त्या कारणावर किशोर दाभाडे याने नथू दाभाडे यांच्या डोक्यात दगड घालून त्यांना गंभीर जखमी केले. तळेगाव एमआयडीसी पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– देवाभाऊ 3.0 : “मी देवेंद्र सरीता गंगाधरराव फडणवीस, ईश्वरसाक्ष शपथ घेतो की…” राज्यात नव्या ‘देवेंद्र’पर्वाचा आरंभ । Maharashtra New CM
– मुख्यमंत्री बनताच देवेंद्र फडणवीस यांची पहिली स्वाक्षरी वैद्यकीय मदतीच्या फाईलवर, पुण्याच्या रुग्णाला पाच लाखांची मदत
– “मी अजित आशाताई अनंतराव पवार, गांभीर्यपूर्वक शपथ घेतो की… अजित पवार यांनी विक्रमी सहाव्यांदा घेतली उपमुख्यमंत्रिपदाची शपथ
