Dainik Maval News : खालापूर येथून मावळ तालुक्यातील पवना धरण परिसरात वर्षाविहारासाठी आलेल्या मित्रांच्या ग्रुपमधील एका सहकारी मित्राचा कार मध्ये टॉवेलने गळा आवळून खून करण्यात आला. याप्रकरणी तिघांना अटक करण्यात आली असून एका अल्पवयीन मुलाला ताब्यात घेण्यात आले आहे. ही घटना १७ जून रोजी दुपारी एक वाजताच्या सुमारास शिंदगाव, मावळ येथे घडली.
हनीफअली शहाजमाल शेख उर्फ सोनू (३५) असे खून झालेल्या व्यक्तीचे नाव आहे. शुभम राजेंद्र यादव (२५, आपटी, खालापूर), आशिष रामदास चव्हाण २७, डोणवत, खालापूर), अमर गणपत मोरे (२२ आपटी, खालापूर) अशी अटक केलेल्या आरोपींची नावे आहेत. त्यांच्यासह १७ वर्षीय मुलाला ताब्यात घेण्यात आले आहे.
पोलिसांनी दिलेल्या माहितीनुसार, आरोपी आणि मयत सोनू हे खालापूर तालुक्यातील डोणवत येथून कारमधून पवना धरण परिसरात वर्षाविहारासाठी आले होते. सुरुवातीला ते १६ जून रोजी मुळशी तालुक्यातील मुठा नदीकिनारी फिरण्यासाठी गेले. १६ जून रोजीचा मुक्काम त्यांनी मुळशी येथे केला. १७ जून रोजी सकाळी सोनू आणि आशिष चव्हाण यांचे किरकोळ कारणावरून भांडण झाले. त्यानंतर सर्वजण कारमधून पवना धरण परिसरातून लोणावळ्याच्या दिशेने जात होते.
पवनानगर येथून लोणावळ्याच्या दिशेने जात असताना आरोपींनी सोनू यांच्या तोंडावर कार मधील टॉवेल टाकला. शर्टाने गळा आवळून त्यांना ठार मारले. त्यानंतर पुरावा नष्ट करण्याच्या उद्देशाने सोनू यांचा मृतदेह दुधीवरे खिंडीजवळ एका निर्जन परिसरात फेकून दिला. लोणावळा ग्रामीण पोलिसांनी तिघांना अटक केली आहे. पुढील तपास सुरू आहे. ( Friends who came from Khalapur for tourism in Pavana Dam area of Maval killed one of group Lonavala Police )
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यात दहा दिवसांत विविध ठिकाणी ९ अजगर सापांना ‘वन्यजीव रक्षक मावळ’ व ‘शिवदुर्ग मित्र’च्या सर्पमित्रांकडून जीवदान । Maval
– राज्य सरकारने शब्द पाळला… आषाढी एकादशी वारीसाठी दिंड्यांना २.८ कोटींचे अनुदान देण्यास मान्यता । Ashadhi Vari 2025
– जन्मदात्याकडून अल्पवयीन लेकीवर लैंगिक अत्या’चार ! लोणावळा शहाराजवळील संतापजनक घटना । Maval Crime
