Dainik Maval News : मावळ तालुक्यातील आढे जिल्हा परिषद प्राथमिक शाळेची विद्यार्थिनी गायत्री गणपत कारके हिने खुल्या प्रवर्गातून नवोदय परीक्षेत यश मिळवले आहे. मावळ तालुक्यातील मुलींमध्ये गायत्री ही एकमेव विद्यार्थिनी नवोदय विद्यालयासाठी पात्र ठरलेली आहे.
जिल्ह्यातून 80 विद्यार्थ्यांची निवड
जवाहर नवोदय या परीक्षेत जिल्ह्यातून फक्त 80 विद्यार्थ्यांची निवड केली जाते. निवड झालेल्या विद्यार्थ्यांना बारावीपर्यंतचे मोफत शिक्षण दिले जाते. आढे शाळेतील इयत्ता पाचवीच्या सतरा विद्यार्थ्यापेकी अकरा विद्यार्थी या परीक्षेत बसले होते. यामधून कु. गायत्री गणपत कारके हिची नवोदय साठी निवड झाली आहे. मुलींमध्ये प्रथम मान मिळवून नवोदयसाठी एकमेव मुलगी पात्र ठरली आहे. तिची जवाहर नवोदय विद्यालय, पिंपळे जगताप येथे निवड झाली आहे.
गुणवंत विद्यार्थी, शिक्षकांचे कौतुक
आढे जिल्हा परिषद शाळेतील विद्यार्थ्यांची गुणवत्ता यादी अतिशय उत्तम असून शिष्यवृत्ती परीक्षेतही दरवर्षी शाळेचा निकाल चांगला असतो. तसेच, नवोदय परीक्षेत गतवर्षी शाळेचा एक विद्यार्थी शुभम निलेश सुतार पात्र ठरला होता. त्यामुळे गुणवत्तेचा उत्तम दर्जा ठेवणाऱ्या आढे शाळेतील विद्यार्थी व शिक्षकांचे विशेष कौतुक होत आहे.
ज्यादा तास व सराव ठरला फायदेशीर
परीक्षेसाठी मार्गदर्शन करणारे वर्गशिक्षक अमित सारडा यांनी योग्य नियोजन करून जादा तास व प्रश्नपत्रिकेचे सराव घेतले. तसेच शाळेच्या मुख्याध्यापिका आरती दळवी व सहकारी शिक्षक केंद्राचे केंद्रप्रमुख बनकर सर, विस्तार अधिकारी शोभा वहिले यांनी वेळोवेळी मार्गदर्शन केले. मावळ तालुक्‍याचे गटशिक्षणाधिकारी सुदाम वाळुंज, शाळा व्यवस्थापन समितीचे अध्यक्ष नवरंग सुतार, उपाध्यक्ष तसेच हे सरपंच सुनीता सुतार यांनी गायत्री गणपत कारके हिचे कौतुक केले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ‘पुणे रिंगरोड’च्या दिशेने पहिले पाऊल ! जमीन मोजणीला प्रारंभ ; जमीनमालकांकडून जिल्हा प्रशासनाला संमतीपत्र । Pune Ring Road
– मुंबईला जाण्यासाठी नवा मार्ग विकसित होणार? 135 किलोमीटरचा रस्ता, लोणावळ्याला जायची गरज नाही
– मुंबई-पुणे द्रुतगतीमार्गावरील वाहतूक कोंडी दूर होणार, मिसिंग लिंक प्रोजेक्ट ठरणार गेमचेंजर ! missing link mumbai pune
– मध्य रेल्वेचा ऐतिहासिक निर्णय ! महाराष्ट्रात तयार होणार 3 रेल्वे मार्ग, मुंबई-पुणे रेल्वे प्रवास होणार अधिक वेगवान
