Dainik Maval News : कामशेत शहरातील मुख्य बाजारपेठेच्या छत्रपती शिवाजी महाराज चौकात आता प्रत्यक्षपणे छत्रपती शिवाजी महाराज यांचा भव्यदिव्य असा अश्वारूढी पुतळा उभारण्यात येणार आहे.
शहर चौकात उभारण्यात येणाऱ्या शिवाजी महाराज यांच्या भव्य अश्वारूढ पुतळ्याचे भूमिपूजन शुक्रवारी (दि. ६ जून) शिवराज्याभिषेक दिनाच्या मुहूर्तावर करण्यात आले. आमदार सुनील शेळके यांसह उपस्थित मान्यवरांच्या हस्ते शिवस्मारकाचे भूमिपूजन करण्यात आले.
शिवमय वातावरणात ढोल-ताशांच्या गजरात, शिवरायांच्या नावाचा जयघोष करीत हा सोहळा संपन्न झाला. कार्यक्रमाला परिसरातील अनेक गावांमधील शिवप्रेमी मोठ्या संख्येने उपस्थित होते.
स्मारकाच्या भूमिपूजनासाठी उपस्थित नागरिकांमध्ये अभिमानाचे व उत्साहाचे वातावरण होते. साधारण सत्तर गावांची बाजारपेठ असणाऱ्या कामशेतमध्ये दिमाखात हा पुतळा उभा राहणार आहे. आमदार शेळके यांनी, हे स्मारक आगामी पिढ्यांसाठी प्रेरणास्थान ठरेल, असे सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– देहूनगरीत तुकोबारायांच्या पालखी सोहळ्याची लगबग सुरू ! वारकऱ्यांची सुरक्षा, सोयीसुविधांबाबत आढावा बैठक संपन्न । Dehu News
– सोमवारपासून लोणावळ्यातील भांगरवाडी रेल्वे उड्डाणपुलाचे काम सुरू करा ! जिल्हाधिकाऱ्यांचा ‘ऑन द स्पॉट’ निर्णय । Lonavala News
– ‘एमएसआरडीसी’कडून पुणे-मुंबई महामार्गावर अपघातप्रवण क्षेत्रात उपाययोजना ; वडगाव फाटा, कामशेत घाट, शिलाटणे फाटा भागाचा समावेश
