आर्थिक दुर्बल घटक -ईडब्ल्युएसच्या आरक्षणासाठी राज्य सरकारने उच्च न्यायालयात प्रभावी बाजू मांडली. त्यामुळे उच्च न्यायालयाने आर्थिक दुर्बल घटकांचे आरक्षण मान्य केल्याने मराठा समाजासह अन्य विविध भरती प्रक्रियांमध्ये रखडलेल्या शेकडो उमेदवारांचा भरतीचा मार्ग मोकळा झाला आहे. या पार्श्वभूमीवर या उमेदवारांनी मुख्यमंत्री एकनाथ शिंदे यांची ‘वर्षा’ या शासकीय निवासस्थानी भेट घेऊन त्यांचे आभार मानले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
“साहेब, तुम्ही आमचा विश्वास सार्थ ठरवला. हा विजय केवळ तुमच्यामुळेच आणि तुमच्या प्रयत्नांमुळेच झाला आहे.” अशा शब्दांमध्ये एमपीएससी आणि अन्य भरती प्रक्रियेतील उमेदवारांनी मुख्यमंत्री शिंदे यांचे आभार मानले. मुख्यमंत्र्यांनीही या भावनांचा स्वीकार करतानाच, या सर्व उमेदवारांना भावी वाटचालीसाठी शुभेच्छा दिल्या. ( High Court Accepted EWS Reservation )
उच्च न्यायालयाच्या निकालामुळे एमपीएससीच्या वर्ग-1 व 2 च्या तसेच सरळसेवा भरतीतील उमेदवारांच्या प्रलंबित नियुक्त्या मार्गी लागणार आहेत. त्यात,
- महाराष्ट्र अभियांत्रिकी सेवा – 2019 – 94 उमेदवार
- महाराष्ट्र वनसेवा – 2019 – 10
- कर सहायक – 2019 – 12
- महाराष्ट्र अभियांत्रिकी सेवा – 2020 – 153
- पोलीस उपनिरीक्षक – 2020 – 65
- वरिष्ठ संशोधन अधिकारी, गट – अ – 7
- इतर सरळसेवा भरती ;
- कनिष्ठ अभियंता – 2019 – जलसंपदा विभाग – 66
- दंत शल्यचिकित्सक, पुणे महानगरपालिका – 1
अशा रितीने 276 मराठा व 132 इतर उमेदवार अशा एकूण 408 उमेदवारांचा नियुक्तीचा मार्ग मोकळा झाला आहे. याप्रसंगी राजेंद्र कोंढरे, संजीव भोर – पाटील, अंकुश कदम, रघुनाथ चित्रे – पाटील आदी उपस्थित होते.
मराठा समाजाचे एसईबीसी आरक्षण मा.सर्वोच्च न्यायालयाने रद्द केल्यानंतर एमपीएससी उत्तीर्ण एसईबीसी उमेदवारांना ईडब्ल्यूएस पर्याय राज्य सरकारने उपलब्ध करून दिला होता. मात्र हा निर्णय मॅट न्यायालयाने रद्द केल्याने एमपीएससी उत्तीर्ण मराठा, ईडब्ल्यूएस उमेदवारांच्या नियुक्त्या दीर्घकाळ… https://t.co/CO3u5qJGjf
— Eknath Shinde – एकनाथ शिंदे (@mieknathshinde) December 26, 2023
अधिक वाचा –
– श्री फडणवीस आता बनले डॉक्टर फडणवीस! जपानच्या कोयासन विद्यापीठाकडून देवेंद्र फडणवीसांना मानद डॉक्टरेट
– तळेगावातील मंत्रा सिटीत स्थानिक रिक्षा व्यावसायिकांच्या सहयोगातून उभारण्यात आलेल्या नव्या रिक्षा स्टँडचे लोकार्पण
– हलगीच्या कडकडाटात वडगावमधील खंडोबा मंदिर चौकात भाविकांकडून गगनगिरी महाराज पायी ज्योतीचे स्वागत
