इंदोरी ग्रामस्थांचा अनेक वर्षांपासूनचा प्रश्न मार्गी, गावातच होणार सुसज्ज तलाठी कार्यालय, इमारतीचे भूमिपूजन संपन्न

इंदोरी (ता. मावळ) : आमदार सुनिल शेळके यांच्या पाठपुराव्यातुन इंदोरी येथे तलाठी कार्यालयाची नवीन इमारत बांधण्यात येणार आहे. या कामाचा भूमिपूजन समारंभ बुधवार (दिनांक 7 जून) रोजी करण्यात आला. या कामासाठी एकूण 20 लाख 35 हजार रुपयांचा निधी उपलब्ध झाला आहे. या कार्यालयाच्या इमारतीच्या कामास प्रत्यक्षात सुरुवात केल्याबद्दल ग्रामस्थांनी आमदार सुनिल शेळके यांचे आभार मानले. ( indori village talathi office new building bhumi pujan fund through effort mla sunil shelke )

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

ग्रामीण भागातील शेतकरी व सर्वसामान्यांची कामे ही तलाठी कार्यालयाशी संबंधित असतात. शेतजमिनी संबंधित अभिलेख अद्ययावत रहावेत. तसेच विविध नोंदणी, दाखले यासाठी नागरिकांना नेहमीच तलाठी कार्यालयाची आवश्यकता भासत असते. परंतु तलाठी कार्यालयाची दुरावस्था झाल्याने ग्रामस्थांना अनेक अडचणींचा सामना करावा लागत होता. इंदोरी गावात मध्यवर्ती ठिकाणी स्थायिक स्वरुपात सुसज्ज कार्यालय होणार असल्याने इंदोरीसह जांबवडे, सुदुंबरे, सुदवडी, नाणोली तर्फे चाकण येथील ग्रामस्थांची कामे त्वरित होण्यास नक्कीच मदत होणार आहे.

“आमदार सुनिल शेळके यांनी स्थानिकांच्या मागणीची दखल घेऊन गावातच तलाठी कार्यालय बांधण्यासाठी निधी दिला. त्यामुळे तलाठी वेळेवर उपलब्ध होऊन स्थानिक शेतकऱ्यांची व ग्रामस्थांची कामे लवकर पूर्ण होतील.” – शशिकांत शिंदे, सरपंच-इंदोरी

हेही वाचा – संत तुकाराम कारखान्याकडे जाणारा रस्ता होणार प्रशस्त; दारुंब्रे-कासारसाई रस्त्यासाठी मोठा निधी

या भूमिपूजन समारंभ प्रसंगी मंडलाधिकारी बी.के.मेकाले, तलाठी एस.पी.पेरके, सरपंच जांबवडे सारिका घोजगे, सरपंच नाणोली मोनिका शिंदे, माजी जिल्हा परिषद सदस्य प्रशांत ढोरे, माजी सभापती विठ्ठल शिंदे, माजी सरपंच दामोदर शिंदे, संचालक कृषि उत्पन्न बाजार समिती दिलीप ढोरे, उपसरपंच बाळकृष्ण पानसरे, ग्रामपंचायत सदस्य स्वप्निल शेवकर, मुकेश शिंदे, संदीप नाटक, मधुकर शिंदे, संदीप ढोरे, दत्तात्रय ढोरे, विनोद भागवत, सुरेखा शेवकर, सपना चव्हाण, नीलिमा काशीद, लतिका शेवकर, राजश्री राऊत, धनश्री काशीद, रेश्मा शिंदे, जयश्री सावंत, विष्णू खांदवे, माजी सरपंच माणिक गाडे, मा. उपसरपंच जालिंदर गाडे, रमेश घोजगे, विशाल पवार, जयंत राऊत, रामभाऊ ढोरे, संजय राऊत, हमीद मुलाणी, राहुल सरोदे, सचिन काळे, अण्णासाहेब भेगडे, गणेश शिंदे, रवि राऊत, शिवाजी शिंदे, सुरेश शिंदे, हिरामण गाडे, संदीप गाडे आदी उपस्थित होते.

अधिक वाचा –
– किन्हई गावात राष्ट्रवादीकडून ‘एक तास पक्षासाठी’ कार्यक्रम; कार्यकर्त्यांकडून आमदार शेळकेंसाठी मरीमाता मंदिरात यज्ञ
– ‘मार्केट यार्डपासून मुळशी तालुक्यात धावणाऱ्या पीएमपीएमएलच्या सर्व गाड्या पूर्ववत सुरू करा’ – खासदार सुप्रिया सुळे