मोबाईल फोन हा हल्ली प्रत्येक व्यक्तीसाठी अत्यंत गरजेचा बनला आहे. मोबाईलचा होणारा बहुविध उपयोग यामुळे त्यावरील अवलंबित्व वाढलं आहे. परंतू काही कारणास्तव जेव्हा हा मोबाईल चोरी होतो किंवा गहाळ होतो, तेव्हा होणारा मनस्ताप प्रचंड असतो. अनेक कामे त्यामुळे खोळंबतात आणि त्रास सहन करावा लागतो. आपले सीम कार्ड, संपर्क क्रमांक, फोटो, व्हिडिओ, आर्थिक व्यवहाराचे अॅप अशा अनेक गोष्टी हातात नसल्याने अडचण होऊ लागते. तेव्हा पहिला उपाय अथवा पर्याय म्हणून नागरिक पोलिस ठाण्यात जाऊन त्याबाबत तक्रार नोंदवतात. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
किमान पोलिस तरी त्यांचा मोबाईल फोन लवकरात लवकर शोधून परत मिळवून देतील, अशी त्यांची अपेक्षा असते. याच पार्श्वभूमीवर कामशेत पोलिस स्टेशन (ता. मावळ) येथील वरिष्ठ पोलीस निरीक्षक रविंद्र पाटील यांनी गहाळ मोबाईल फोनचा शोध तातडीने घेण्याकरिता पथक तयार केले होते. सदर पथकाकडून गहाळ झालेल्या मोबाईल फोनचे तांत्रिक विश्लेषण करुन मोबाईल फोनचा शोध घेतला. या कारवाईत कर्नाटक राज्यातून तब्बल 19 मोबाईल फोनचा शोध घेऊन ते कामशेत पोलिसांनी हस्तगत केले. ( kamshet police recovered 19 missing mobile phones maval crime )
त्यानंतर आज, गुरुवार (दि. 11 जानेवारी) सदरील मोबाईल फोन हे लोणावळा उपविभागाचे सहाय्यक पोलीस अधीक्षक सत्यसाई कार्तिक आणि पोलिस निरिक्षक रविंद्र पाटील यांच्या उपस्थितीत मुळ मालकांना देण्यात आले. यावेळी मोबाईल मालकांच्या चेहऱ्यावरील आनंद आणि समाधान अवर्णनीय होते. फोन परत मिळवून दिल्याबद्दल मोबाईल मालकांनी पोलिसांचे आभार व्यक्त केले.
सदरची कामगिरी पुणे ग्रामीणचे पोलीस अधीक्षक अंकित गोयल, अपर पोलीस अधीक्षक मितेश घट्टे, सहा. पोलीस अधीक्षक सत्यसाई कार्तिक यांच्या आणि कामशेत पोलिस स्टेशनचे वरिष्ठ पोलीस निरीक्षक रविंद्र पाटील यांच्या मागर्दशनाखाली सपोनि नितीन नम, पोसई शुभम चव्हाण, पोसई दत्तात्रय शेडगे, पो. हवा. मनोज माने, पो. हवा. गणेश तावरे, पो. हवा. समीर करे, पो. हवा रविंद्र राय, पो. ना. सचिन निंबाळकर यांच्या पथकाने केली.
अधिक वाचा –
– मोठा निर्णय! पंडित दीनदयाळ उपाध्याय घरकुल जागा खरेदी योजनेत आता भूमिहिनांना मिळणार 1 लाखांचे अनुदान
– मोठी बातमी! श्रीराम प्राणप्रतिष्ठा सोहळा आणि छत्रपती शिवाजी महाराज जयंतीनिमित्त ‘आनंदाचा शिधा’ वाटपाचा शिंदे सरकारचा निर्णय
– भंडारा डोंगर तीर्थक्षेत्र विकासासाठी आराखडा सादर करा; पुणे जिल्हा नियोजन समितीच्या बैठकीत अजित पवारांचे निर्देश । Ajit Pawar
