महाराष्ट्राचे अराध्य दैवत असलेल्या आणि लाखो कोळी आग्री बांधवांची कुलस्वामी असलेल्या कार्ला गडावरील श्री एकविरा देवीचा चैत्री उत्सव सध्या जल्लोषात सुरू आहे. रविवार, दिनांक 14 एप्रिल ते मंगळवार, 16 एप्रिल पर्यंत हा सोहळा असणार आहे. दरम्यान काल (रविवारी, दि. 14) चैत्र शुद्ध षष्ठीच्या दिवशी आई एकविरा देवीच्या माहेरघरी अर्थात देवघर येथे देवीचा भाऊ श्री काळभैरवनाथ महाराजांचा पालखी मिरवणूक सोहळा पार पडला. यावेळी हजारो भाविकांची उपस्थिती होती. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
रविवारी दुपारपासूनच मुंबई, रायगड, कोकण, तळकोकण भागातून आई एकविरा देवीच्या पालख्या या ठिकाणी आल्या होत्या. दिवसभर हजारो भाविकांवी काळभैरवनाथाचे दर्शन घेतले. रात्री पाऊणेआठ वाजता भारवनाथ महाराजांची आरती झाली आणि त्यानंतर प्रत्यक्ष पालखी सोहळ्याला सुरुवात झाली. भाविकांनी आणि ट्रस्टच्या पदाधिकाऱ्यांनी पालखी खांद्यावर घेतली. कोकणातून हजारो भाविक पालख्या घेऊन येथे दाखल झाल्याने परिसर चांगलाच गजबजला होता. पोलिस प्रशासनानेही पालखी सोहळा शांततेत पार पडावा, यासाठी उत्तम नियोजन केले होते.
अधिक वाचा –
– आमदार सुनिल शेळके आणि खानदेश युवा मंचच्या पाठपुराव्याला यश; तळेगाव ते चोपडा नियमित बससेवा सुरु
– तळेगावात ‘मतदान हेच खरे योगदान’ पथनाट्याद्वारे विद्यार्थ्यांनी केली मतदानासाठी जनजागृती । Talegaon Dabhade
– RSS कडून भारतरत्न डॉ. बाबासाहेब आंबेडकर यांना जयंतीदिनी अभिवादन
