Dainik Maval News : मावळ तालुक्यात पोलिसांनी दोन ठिकाणच्या अवैध दारू अड्ड्यांवर छापे टाकून दारू बनविण्यासाठी लागणारे कच्चे साहित्य व रसायन नष्ट केले. तळेगाव एमआयडीसी आणि शिरगाव पोलीस ठाणे हद्दीत ह्या कारवाया झाल्या.
तळेगाव एमआयडीसी पोलीस ठाण्याच्या हद्दीत आंबी आणि शिरगाव पोलीस ठाण्याच्या हद्दीत सांगवडे येथे दोन दारू भट्ट्यांवर पोलिसांनी मंगळवारी (दि.4) कारवाया केल्या. दोन्ही कारवायांमध्ये 1 लाख 72 हजारांचा मुद्देमाल नष्ट करण्यात आला आहे.
पहिल्या कारवाईत, आंबी येथे 30 वर्षीय महिलेने ओढ्याच्या काठावर दारू भट्टी लावल्याची माहिती गुन्हे शाखा युनिट पाचला मिळाली. त्यानुसार पोलिसांनी छापा मारून कारवाई केली. पोलीस आल्याची चाहूल लागताच महिला पळून गेली. महिलेने दोन हजार लिटर गुळ मिश्रित रसायन भिजत घातले होते. एक लाख दोन हजार रुपये किमतीचे रसायन पोलिसांनी नष्ट केले.
दुसऱ्या कारवाईत, शिरगाव पोलिसांनी सांगवडे येथे संत तुकाराम साखर कारखान्याच्या भिंतीलगत सुरु असलेल्या दारू भट्टीवर कारवाई केली. या कारवाईमध्ये 70 हजार रुपये किमतीचे एक हजार लिटर रसायन नष्ट करण्यात आले आहे. या प्रकरणी 25 वर्षीय महिलेच्या विरोधात गुन्हा दाखल करण्यात आला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– आम्हाला पैसे नको ! लाडक्या बहिणींना अर्ज पडताळणीची धास्ती, योजनेचा लाभ नको म्हणत ‘इतक्या’ बहिणींची माघार । Ladki Bahin Yojana
– आयपीएस सत्यसाई कार्तिक यांच्याकडून कारवायांचा धडाका ! अंमली पदार्थ, गांजा विक्री व बेकायदा जुगार खेळणाऱ्यांवर गुन्हे दाखल
– बोरघाटातील मिसिंग लिंक प्रकल्पाला ‘वीर हुतात्मा शिंग्रोबा धनगर’ यांचे नाव देण्याची मागणी । Mumbai Pune Missing Link
