सालाबादप्रमाणे यंदाही वैशाख पौर्णिमा म्हणजेच बुद्ध पौर्णिमा तसेच भगवान गौतम बुध्दांची 2567 वी जयंती निमित्त कार्ला बुद्ध लेणी इथे महाबुद्धवंदना आयोजित करण्यात आली होती. शुक्रवारी (दिनांक 5 मे 2023) रोजी हजारो उपासकांच्या उपस्थितीत ही बुद्ध वंदना पार पडली.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
नागरिकांत बौद्ध धम्माचा व बौद्ध लेण्यांचा प्रचार व प्रसार करण्यासाठी सदर महाबुद्धवंदनेचे आयोजन करण्यात आले होते. यंदा महाबुद्धवंदना कार्यक्रमात सुमारे 5 हजार उपासकांनी हजेरी लावली होती. अनेक बौद्ध उपासक, उपासिका, सर्व बौद्ध धार्मिक संघटना, सामाजिक व राजकीय संघटना तसेच सर्व लेणी संवर्धक यांनी यावेळी सहभाग घेतला. ( Maha Buddha Vandana Performed At Karla Buddha Caves In Presence Of Thousands Of Buddhist Worshipers Buddhapurnima 2023 )
कार्ला बुद्ध लेणी येथे भन्ते नागघोष महाथेरो, भन्ते हर्षवर्धन शाक्य, भन्ते धम्मानंद व भन्ते धर्मप्रकाश व 30 श्रामनेर यांचा संघ उपस्थित होते. कार्ला लेणी येथील मैदानामध्ये आदरणीय भिक्खू संघाच्या वतीने त्रिसरण, पंचशील, बुद्ध वंदना, महामंगल सुत्त आणि आशीर्वाद गाथांचे सामूहिक पठण करण्यात आले. भन्ते नागघोश यांच्याद्वारे धम्मदेसना देण्यात आली व भगवान बुद्धांनी दिलेल्या विश्वशांतीचा व करुणेचा संदेश देण्यात आला. बुद्ध वंदनेसाठी सुमारे पाच हजार बौद्ध उपासक आणि उपासिका यांनी उपस्थिती दर्शवली.
हेही वाचा – चलो पवनानगर..! पवना धरणग्रस्तांचा 9 मे रोजी काले कॉलनी ते पवनाधरण बंधाऱ्यापर्यंत भव्य मोर्चा
लेणीच्या पायथ्याशी वेहेरगाव येथील स्थानिक सम्राट अशोक तरुण मंडळ तसेच कान्हे मावळ विहार व सम्यक सांस्कृतिक संघ मुंबई यांच्या वतीने उपस्थितांना पाणी वाटप करण्यात आले. तसेच संपर्क बालग्राम व बुद्धिस्ट बिजनेस कम्युनिटी यांच्यातर्फे रुग्णवाहिका सेवा उपलब्ध करण्यात आली होती. महाबुद्धवंदना कार्यक्रमास भारतीय बौद्ध महासभा व सर्व लेणी संवर्धक, सर्व धार्मिक संघटना, विविध राजकीय पक्ष व सामाजिक संघटनांचे विशेष सहकार्य लाभले.
अधिक वाचा –
– मोठी बातमी! अखेर शरद पवारांची माघार, पक्षाध्यक्षपदी कायम राहणार, कार्यकर्त्यांचा एकच जल्लोष
– ‘यापुढे पुणे-मुंबई द्रुतगती महामार्गावर जड वाहने, पर्यटन गाड्यांना लेन कटिंग करु देवू नका’ – खासदार बारणे
