Dainik Maval News : महाराष्ट्र विधानसभा निवडणुकीचा निकाल जाहीर झाला आहे. शनिवारी (दि. 23) राज्यातील सर्वच मतदारसंघातील मतमोजणी पार पडली. रात्री उशीरापर्यंत राज्यातील जागांचे चित्र स्पष्ट झाले. यात 236 ठिकाणी विजय प्राप्त करून महायुतीने ऐतिहासिक यश मिळवले आहे. त्यातही भाजपाने सर्वाधिक म्हणजे 136 जागांवर आघाडी घेत जोरदार मुसंडी मारली आहे.
राज्यात अनेक उमेदवार हे लाखांमध्ये लीड घेऊन निवडून आले आहेत. त्यात सर्वाधिक मते घेणाऱ्या दहा आमदारांची यादी आपण पाहणार आहोत. महत्वाची बाब म्हणजे पहिले टॉपचे दहाही उमेदवार हे महायुतीचे आहेत. साताऱ्यामधून शिवेंद्रराजे भोसले यांनी तब्बल 1 लाख 42 हजारांचे मताधिक्य घेऊन राज्यात पहिला क्रमांक मिळवला आहे. Highest margin win candidate in maharashtra
महाराष्ट्रात सर्वाधिक मताधिक्याने विजयी झालेले 10 आमदार
1. सातारा मतदारसंघ – शिवेंद्रराजे भोसले (भाजपा) – 1 लाख 42 हजार 124 मताधिक्याने विजयी
2. परळी मतदारसंघ – धनंजय मुंडे (राष्ट्रवादी) – 1 लाख 41 हजार 241 मताधिक्याने विजयी
3. बागलाण मतदारसंघ – दिलीप बोरसे (भाजपा) – 1 लाख 29 हजार 297 मताधिक्याने विजयी
4. कोपरी-पाचपाखाडी मतदारसंघ – एकनाथ शिंदे (शिवसेना) – 1 लाख 20 हजार 335 मताधिक्याने विजयी
5. कोथरुड मतदारसंघ – चंद्रकांत पाटील (भाजपा) – 1 लाख 12 हजार 41 मताधिक्याने विजयी
6. ओवळा-माजीवड मतदारसंघ – प्रताप सरनाईक (शिवसेना) – 1 लाख 9 हजार अधिक मताधिक्याने विजयी
7. मावळ मतदारसंघ – सुनील शेळके (राष्ट्रवादी) – 1 लाख 8 हजार 565 मताधिक्याने विजयी
8. चिंचवड मतदारसंघ – शंकर जगताप (भाजपा) – 1 लाख 3 हजार 865 मताधिक्याने विजयी
9. बारामती मतदारसंघ – अजित पवार (राष्ट्रवादी) – 1 लाख 899 मताधिक्याने विजयी
10. मालेगाव बाह्य मतदारसंघ – दाद भुसे (शिवसेना) – 1 लाख 2 हजार 440 मताधिक्याने विजयी
या व्यतिरिक्त मुंब्रा-कळवा मतदारसंघातून शरद पवार यांच्या राष्ट्रवादी काँग्रेस पक्षाचे उमेदवार जितेंद्र आव्हाड हे 96 हजार 228 मतांनी विजयी झाले आहेत. तर बोरिवली मतदारसंघातील भाजपाचे उमेदवार संजय उपाध्याय हे 95 हजार 54 मतांनी जिंकले आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळात पुन्हा, सुनिल आण्णा… मावळ विधानसभेत सुनिल शेळके यांचा दणदणीत विजय ! Maval Vidhan Sabha Results Sunil Shelke wins
– अधिकृत निकाल जाहीर ! मावळ विधानसभा मतदारसंघातून महायुतीचे उमेदवार सुनिल शेळके विक्रमी मताधिक्यासह विजयी
– मावळ विधानसभा निकाल : प्रत्येक फेरीत शेळके आणि भेगडेंना किती मतदान झाले? पाहा 29 फेऱ्यांची अचूक आकडेवारी । Maval Vidhan Sabha
