Dainik Maval News : मावळ तालुक्यातील इंदोरी येथील ब्रिटिशकालीन पुलावरून एका व्यक्तीने इंद्रायणी नदीत उडी मारून आत्महत्येचा प्रयत्न केला आहे. ही घटना बुधवारी (दि. 18 जून) सायंकाळी घडली. दरम्यान इंद्रायणी नदीत पाण्याचा प्रवाह वेगात असल्याने सदर व्यक्तीचा शोध घेण्यात अडथळा येतोय.
मिळालेल्या माहितीनुसार, बुधवारी सायंकाळी एका व्यक्तीने इंदोरी येथील ब्रिटिशकालीन पुलाजवळ दुचाकी पार्क केली. त्यानंतर त्याने इंद्रायणी नदीत उडी मारली. व्यक्तीने इंद्रायणी नदीत उडी मारल्याचे स्थानिक नागरिकांनी पाहिले. नागरिकांनी तत्काळ तळेगाव एमआयडीसी पोलिसांना माहिती दिली.
पोलिसांनी वन्यजीव रक्षक मावळ संस्थेला पाचारण केले. संस्थेच्या सदस्यांनी नदीमध्ये शोधकार्य केले. मात्र मृतदेह मिळून आला नाही. दरम्यान मावळ परिसरात मुसळधार पाऊस पडत असल्याने इंद्रायणी नदीच्या पाणी पातळीत वाढ झाली आहे. त्यामुळे उडी मारलेल्या व्यक्तीचा शोध घेण्यात अडचणी येत आहेत.
पुलाजवळ पार्क केलेल्या दुचाकीबद्दल पोलिसांनी माहिती घेतली असता, ती दुचाकी चोरीची असल्याचे निदर्शनास आले. दुचाकी चोरीची तक्रार शिवाजीनगर पोलीस, पुणे येथे दाखल आहे. त्यामुळे इंद्रायणी नदीत उडी मारणाऱ्या व्यक्तीची ओळख पटली नाही. तळेगाव एमआयडीसी पोलीस तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महत्वाची बातमी : आषाढी वारी पालखी सोहळ्याच्या अनुषंगाने पुणे जिल्ह्यातील वाहतूक मार्गात मोठे बदल – लगेच चेक करा
– धोकादायक पर्यटनस्थळे तात्पुरती बंद ठेवा, पर्यटकांच्या सुरक्षेला प्राधान्य द्या ; राज्याच्या मुख्य सचिवांचे निर्देश
– PHOTO : विठ्ठलाच्या भेटीला जगद्गुरू निघाले… देहूनगरीतून तुकोबारायांच्या पालखीचे पंढरपूरकडे प्रस्थान; पहिला मुक्काम इनामदार वाड्यात
– तळेगाव दाभाडेपासून उरुळीकांचनपर्यंत नवीन लोहमार्ग केला जाणार ; उपमुख्यमंत्री अजित पवार यांची माहिती । DCM Ajit Pawar
