Dainik Maval News : अत्यंत प्रतिकूल परिस्थिती आमदार सुनिल शेळके हे मावळ विधानसभा मतदारसंघातून दुसऱ्यांदा विजयी झाले. त्यामुळे त्यांचे सध्या सर्वत्र कौतूक होत आहे. अगोदर राष्ट्रवादी काँग्रेस पक्षाचे राष्ट्रीय अध्यक्ष अजित पवार, प्रदेशाध्यक्ष सुनील तटकरे यांनी शेळके यांचे कौतुक केले. त्यानंतर भाजपाचे मुख्य नेते तथा उपमुख्यमंत्री देवेंद्र फडणवीस यांनीही सुनिल शेळके यांचे कौतूक करुन शाबासकी दिली आहे.
मावळ विधानसभेच्या आमदारपदी दुसर्‍यांदा भरघोस मतांनी विजयी झाल्यानंतर आमदार सुनील शेळके यांनी राज्याचे उपमुख्यमंत्री व भाजपाचे प्रमुख असलेले देवेंद्र फडणवीस यांची मुंबईत भेट घेतली. एक लाखाहून अधिक मतांचे मताधिक्य घेत विजयी झाल्याबद्दल देवेंद्र फडणवीस यांनी आमदार सुनील शेळके यांचे तोंडभरून कौतुक केले.
आमदार सुनील शेळके यांची उमेदवारी जाहीर झाल्यानंतर मावळ तालुक्यामध्ये भाजपच्या काही नेते मंडळींनी महायुतीच्या विरोधात भूमिका घेत अपक्ष उमेदवाराला पाठिंबा जाहीर करत सुनील शेळके यांना विरोध दर्शवला होता. देवेंद्र फडणवीस यांच्यासोबत याबाबत काही बैठका झाल्या, मात्र स्थानिक नेत्यांनी त्यांची भूमिका न बदलता नेत्यांच्या आदेशाविरोधात जात अपक्ष उमेदवाराच्या प्रचारात सक्रिय सहभाग घेतला होता.
त्यानंतर देखील आमदार सुनील शेळके यांनी मावळातून एक लाख 8 हजार 565 मतांची आघाडी घेत विजय मिळवला आहे. या विजयाचे देवेंद्र फडणवीस यांनी तोंड भरून कौतुक केले असून गळाभेट घेत सुनील शेळके यांना पुढील वाटचालीसाठी शुभेच्छा दिल्या आहेत. यावेळी माजी मंत्री धनंजय मुंडे माजी मंत्री गिरीश महाजन श्री एकविरा देवस्थान ट्रस्टचे अध्यक्ष दीपक हुलावळे, तळेगाव शहर भाजपा अध्यक्ष संतोष दाभाडे, संजय बाविस्कर आदी उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– भाजपाने लढवल्या 148 जागा, निवडून आल्या 132 जागा ; एका क्लिकवर पाहा भाजपाने लढवलेल्या प्रत्येक मतदारसंघाचा निकाल
– अंतिम निकाल जाहीर : महाराष्ट्रात कोणत्या पक्षाला किती जागा मिळाल्या, पाहा सर्व 14 पक्षांची आकडेवारी । Maharashtra Assembly Election Final Result
– ‘आमदार’ होणार आता ‘नामदार’ ! सुनिल शेळके यांचे मंत्रिमंडळात स्थान पक्के? राज्यमंत्री पदी वर्णी लागणार असल्याची चर्चा
