Dainik Maval News : महाराष्ट्र राज्य विधानसभा निवडणुकीचा अंतिम निकाल जाहीर झाला आहे. शनिवारी (दि.23) मतमोजणीची प्रक्रिया पूर्ण झाली. आणि अविश्वसनीय निकालांनी सर्वांनाच धक्का बसला. राज्यात विक्रमी बहुमत घेत महायुती पुन्हा सत्तेत आली आहे. तर प्रमुख विरोधी आघाडी असलेल्या महाविकास आघाडीचा निवडणुकीत जोरदार पराभव झाला आहे. त्यातही अनेक मातब्बर नेत्यांना या निवडणुकीत पराभवाचा सामना करावा लागला आहे. पाहुयात एक यादी…
बाळासाहेब थोरात –
यंदाच्या विधानसभेच्या निवडणुकीत काँग्रेसचे दिग्गज नेते तथा मुख्यमंत्री पदाचा चेहरा असणारे बाळासाहेब थोरात यांचा धक्कादायकरित्या पराभव झाला आहे. संगमनेरमधून थोरात पराभूत झाले आहेत. आत्तापर्यंत त्यांनी आठवेळा निवडणूक लढवली होती आणि ते एकदाही हरले नव्हते. मात्र आता नवव्या वेळी त्यांचा पराभव झाला.
पृथ्वीराज चव्हाण –
महाराष्ट्राचे माजी मुख्यमंत्री आणि कराड दक्षिण विधानसभा मतदारसंघाचे काँग्रेसचे आमदार पृथ्वीराज चव्हाण यांनाही पराभवाचा दणका बसला आहे. भाजपाचे डॉ. अतुलबाबा भोसले हे या मतदारसंघातून विजयी ठरले आहेत. महाविकासआघाडीची सत्ता आल्यास पृथ्वीराज चव्हाण मुख्यमंत्री होऊ शकतील, अशी शक्यता वर्तविली जात होती. परंतु चव्हाण यांचाच दारुण पराभव झाला आहे.
यशोमती ठाकूर –
काँग्रेसच्या नेत्या माजी मंत्री यशोमती ठाकूर यांचा तिवसा विधानसभा मतदारसंघात पराभव झाला आहे. त्यांच्या विरोधात भाजपाचे राजेश वानखडे विजयी झाले आहेत. खरं तर राज्यातील दिग्गज काँग्रेस नेत्यांचा पराभव झाल्यामुळे काँग्रेसला धक्यावर धक्के बसले आहेत.
धीरज देखमुख –
माजी मुख्यमंत्री, स्व. विलासराव देशमुख यांचे सुपूत्र धीरज देशमुख यांचाही या निवडणुकीत पराभव झाला आहे. काँग्रेस पक्षाचा बालेकिल्ला असलेल्या लातूर ग्रामीणमधून धीरज देखमुख यांचा पराभव झाला आहे. धीरज देखमुख यांच्यासाठी अभिनेता रितेश देशमुख यांचा प्रचार केला होता. मात्र, तरीही धीरज देखमुख यांचा पराभव झाल्यामुळे मोठा धक्का बसला.
बच्चू कडू –
आमदार बच्चू कडू यांचा अचलपूर विधानसभा मतदारसंघातून पराभव झाला आहे. त्यामुळे बच्चू कडू यांना मोठा धक्का बसला आहे. बच्चू कडू यांच्या विरोधातील महायुतीचे उमेदवार प्रविण तायडे विजयी झाले आहेत. बच्चू कडू यांनी परिवर्तन महाशक्तीच्या माध्यमातून महायुती आणि महाविकास आघाडीला आव्हान दिलं होतं.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– भाजपाने लढवल्या 148 जागा, निवडून आल्या 132 जागा ; एका क्लिकवर पाहा भाजपाने लढवलेल्या प्रत्येक मतदारसंघाचा निकाल
– अंतिम निकाल जाहीर : महाराष्ट्रात कोणत्या पक्षाला किती जागा मिळाल्या, पाहा सर्व 14 पक्षांची आकडेवारी । Maharashtra Assembly Election Final Result
– ‘आमदार’ होणार आता ‘नामदार’ ! सुनिल शेळके यांचे मंत्रिमंडळात स्थान पक्के? राज्यमंत्री पदी वर्णी लागणार असल्याची चर्चा
