लोकसभा निवडणूकीच्या चौथ्या टप्प्यात आज (दि. 13 मे) मावळ लोकसभा मतदारसंघात मतदान पार पडत आहे. महायुती आणि महाविकासआघाडी यांच्यात मावळ मध्ये तुल्यबळ लढत होत असल्याचे चित्र दिसत आहे. त्यामुळे मतदारांमध्येही मोठा उत्साह दिसून येत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मावळ लोकसभा मतदारसंघात महाविकासआघाडीच्या वतीने शिवसेना उद्धव बाळासाहेब ठाकरे पक्षाचे संजोग वाघेरे हे उमेदवार आहेत. तर, महायुतीकडून शिवसेना पक्षाचे श्रीरंग आप्पा बारणे हे उमेदवार आहेत. या दोन्ही उमेदवारांनी आज सहकुटुंब मतदानाचा हक्क बजावला. तसेच मावळच्या नागरिकांनाही मतदानाचा हक्क बजावण्याचे आवाहन केले. ( Maval Lok Sabha candidates Sanjog Waghere Shrirang Barane also exercised right of voting )
जगातील सर्वात मोठ्या लोकशाहीचा सर्वात मोठा उत्सव म्हणजे लोकसभा निवडणूक. या उत्सवात आज सहकुटुंब सहभागी होऊन मतदानाचा हक्क बजावला. लोकशाही समृद्ध करण्यासाठी व संविधान संरक्षणासाठी आपणही मोठ्या संख्येने मतदान करा, असे आवाहन संजोग वाघेरे यांनी केले.
मतदान आपल्या सर्वांचा प्राथमिक हक्क आहे. त्यात भारतासारख्या जगातील सर्वात मोठ्या लोकशाहीचा हा वारसा अखंड ठेवण्यासाठीच आपण सर्व मतदान करून देशाचं नेतृत्व करणारं सरकार बनवतो. आज सकाळी माझ्या कुटुंबासोबत मतदानाचा हक्क बजावला. तुम्हीही मोठ्या संख्येने मतदान करा, असे आवाहन श्रीरंग बारणे यांनी केले.
मावळ लोकसभेतील चिंचवड, पिंपरी, मावळ, उरण, पनवेल आणि कर्जत या सहाही विधानसभा मतदारसंघात आज मतदान होत आहे. प्रशासनाने सर्व यंत्रणा सिद्ध केली असून सर्वत्र मतदान सुरळीत पार पडत असल्याचे दिसत आहे.
अधिक वाचा –
– अवकाळी पावसाच्या पार्श्वभूमीवर पुण्याचे जिल्हाधिकारी डॉ. सुहास दिवसे यांची मतदान केंद्रांना भेट । Pune Lok Sabha Election
– पुणे जिल्ह्यातील कामगारांना मतदानासाठी भरपगारी सुटी देण्याचे जिल्हाधिकाऱ्यांचे निर्देश, सुटी न दिल्यास ‘इथे’ करा तक्रार । Pune News
– मतदारांनो… मतदानाला जाताना ‘या’ 12 पैकी एक ओळखीचा पुरावा स्वतःजवळ नक्की न्या ! । Lok Sabha Election