देशभर लोकसभा निवडणूकीची रणधुमाळी सुरु आहे. मावळ लोकसभेसाठी चौथ्या टप्प्यात 13 मे रोजी मतदान होणार आहे. निवडणूक आयोगाच्या कार्यक्रम पत्रिकेनुसार चौथ्या टप्प्यातील मतदारसंघांसाठी आज अर्थात गुरुवार, 25 एप्रिल ही उमेदवारी अर्ज दाखल करण्याची शेवटची तारीख आहे. त्यामुळे मावळ लोकसभेसाठी आज शेवटच्या दिवशी अनेक उमेदवारांनी अर्ज दाखल केलेत. यात संजय सुभाष वाघेरे नावाच्या व्यक्तीने देखील उमेदवारी अर्ज दाखल केला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मुळ नाशिक जिल्ह्यातील दिंडोरी तालुक्यातील संजय सुभाष वाघेरे नावाच्या व्यक्तीने आज, मावळ लोकसभेसाठी अखेरच्या दिवशी अपक्ष म्हणून आपला उमेदवारी अर्ज दाखल केला आहे. स्वतःच्या आणि कुटुंबाच्या नावावर राहायला घर नसणाऱ्या संजय वाघेरे यांच्या उमेदवारी अर्जाची सध्या जोरात चर्चा सुरु आहे. 2014 साली नाशकातून दहावी पास झालेल्या संजय वाघेरे या उमेदवाराचा अर्ज दाखल झाल्याने चर्चा सुरु झाली आहे. ( nomination form filed for Maval Lok Sabha in name of Sanjay Waghere on last day of filing nomination form )
सर्वांनाच ठाऊक आहे की, मावळ लोकसभेतून महाविकास आघाडीच्या वतीने संजोग वाघेरे हे उमेदवार आहेत. तर, दोन वेळचे खासदार तसेच महायुतीचे श्रीरंग बारणे हे तिसऱ्यांदा निवडणूकीच्या रिंगणात आहेत. मावळ लोकसभेत खरी लढत ही वाघेरे आणि बारणे यांच्यात होणार अशी परिस्थिती दिसत आहे. अशात संजोग वाघेरे यांच्या नावाशी साधर्म्य असणाऱ्या उमेदवाराच्या अर्जामुळे मविआ गोटात धक्का बसलाय.
निवडणूक आयोगाकडे दिलेल्या प्रतिज्ञापत्रानुसार संजय सुभाष वाघेरे हे उमेदवार मु. बंधारपाडा, पोस्ट कोशिंबे, ता. दिंडोरी, जिल्हा नाशिक येथील आहेत. त्यांच्या पत्नीचे नाव इंदिरा संजय वाघेरे आहेत. या दोन्ही पतीपत्नीच्या नावे एकूण 2 लाख 5 हजाराची संपत्ती आहे. दोघांकडेही स्वतःचे असे घर नाही.
अधिक वाचा –
– ना कुठली चर्चा, ना कोणता गाजावाजा ! मावळ लोकसभेसाठी ‘वंचित’च्या उमेदवार माधवी जोशी यांनी शांततेत भरला उमेदवारी अर्ज। Maval Lok Sabha
– अब्जाधीश ‘आप्पा’ ! 5 वर्षात 29 कोटींची वाढ, श्रीरंग बारणेंची एकूण संपत्ती किती? हिरे-सोने, महागड्या गाड्या आणि बरंच काही, वाचा सविस्तर । Shrirang Barane Property
– संजोग वाघेरेंकडे 18 कोटींची संपत्ती! मुलाला 1 कोटी दिले पण स्वतःला गाडी नाही, गुन्हे – पिस्तूल आणि बरंच काही, वाचा सविस्तर । Sanjog Waghere Property