कासारवाडी येथे आज, सोमवारी (दि. एप्रिल) मावळ लोकसभेचे शिवसेना – भाजप – राष्ट्रवादी – आरपीआय – रासप व मित्रपक्षांच्या महायुती चे उमेदवार खासदार श्रीरंग बारणे यांच्या निवडणूक प्रचाराबाबत सविस्तर माहिती देण्यासाठी पत्रकार परिषद आयोजित करण्यात आली होती. पत्रकार परिषदेच्याअंती माध्यमांसोबत प्रश्नोत्तरे घेण्यात आली. यावेळी उमेदवार श्रीरंग बारणे यांना प्रतिस्पर्धी उमेदवार संजोग वाघेरे यांच्याबद्दल विचारले असता, त्यांनी जे उत्तर दिले त्याची आता चर्चा होत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
समोरच्या उमेदवाराचे किती आव्हान असेल?
समोरच्या उमेदवाराचे तुम्हाला किती आव्हान असेल? असा प्रश्न माध्यम प्रतिनिधी यांनी खासदार बारणे यांना विचारला. त्यावर बोलताना त्यांनी, समोर कोण उमेदवार आहे माहिती नाही, असे म्हणत ठाकरे गटाचे उमेदवार संजोग वाघेरे यांचे कोणतेही आव्हान आपल्या समोर नसल्याचे सांगितले. परंतू लागलीच त्यांनी, माझ्या बोलण्याचा गैरअर्थ काढू नका, उमेदवारी अर्ज भरल्यानंतर समोर कोण उमेदवार आहे, हे स्पष्ट होईल, असे तत्काळ स्पष्टीकरण बारणे यांनी दिले.
यासह, मावळ लोकसभा मतदारसंघातील 25 लाख मतदार माझे नातेवाईक आहेत. ही देशाची निवडणूक असून नात्यागोत्यावर, भावनिक मुद्यावर निवडणूक होणार नसल्याचेही बारणेंनी सांगितले. पत्रकार परिषदेला आमदार उमा खापरे, आमदार अण्णा बनसोडे, आमदार अश्विनी जगताप, माजी खासदार अमर साबळे, भाजपचे शहराध्यक्ष शंकर जगताप, राष्ट्रवादीचे शहराध्यक्ष अजित गव्हाणे, शिवसेनेचे जिल्हाप्रमुख बाळासाहेब वाल्हेकर, आरपीआयच्या चंद्रकांता सोनकांबळे आदीजण उपस्थित होते.
अधिक वाचा –
– मोरया प्रतिष्ठानची ‘सफर गड दुर्गांची’ पाचवी मोहिम किल्ले तिकोणा गडावर, 90 बालकांचा सहभाग । Vadgaon Maval
– आमदार सुनिल शेळके आणि खानदेश युवा मंचच्या पाठपुराव्याला यश; तळेगाव ते चोपडा नियमित बससेवा सुरु
– तळेगावात ‘मतदान हेच खरे योगदान’ पथनाट्याद्वारे विद्यार्थ्यांनी केली मतदानासाठी जनजागृती । Talegaon Dabhade
