Maval Lok Sabha Election 2024 : शिवसेना पक्षाने गुरुवारी (दि. 28) रात्री लोकसभेच्या 8 जागांवरील आपले उमेदवार जाहीर केले. यावेळी मावळ लोकसभेतून शिवसेनेकडून पुन्हा एकदा श्रीरंग बारणे यांना उमेदवारी जाहीर करण्यात आली. श्रीरंग बारणे यांच्या उमेदवारीला महायुतीतीलच घटकपक्षांच्या नेत्यांचा विरोध होता, हे सुरुवातीला दिसून आले होते. त्यात आमदार सुनिल शेळके यांचे नाव आघाडीवर होते. परंतू बारणेंची उमेदवारी जाहीर होण्याच्या काहीकाळ आधी आमदार शेळके यांनी माध्यमांशी संवाद साधला होता, तेव्हा ज्या पक्षाला महायुतीची उमेदवारी मिळणार त्याच्या पाठीमागे उभे राहणार, असे वक्तव्य केले होते. त्यामुळे आता श्रीरंग बारणे यांना उमेदवारी मिळाल्यानंतर आमदार सुनिल शेळके हे श्रीरंग बारणे यांचा प्रचार करणार का, हे पाहावे लागेल. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
काय म्हणाले होते आमदार शेळके?
मावळ लोकसभेत महायुतीचे उमेदवार श्रीरंग बारणे नको, सुरुवातीपासून अशी भूमिका सुनील शेळके यांनी घेतली होती. आता सुनील शेळके हे यूटर्न घेण्याच्या तयारीत असल्याचे दिसत आहे. अजित पवार यांनी मावळ लोकसभेत धनुष्यबाण चालवा असा आदेश देत बारणेंना महायुतीचे उमेदवार म्हणून मावळ लोकसभेचे तिकीट मिळे, असे संकेत पूर्वीच दिल होते. त्यानंतर सुनिल शेळके यांनी आता अजित दादा जे आदेश देतील त्याचं पालन आम्ही करू असे म्हटले. तसेच नरेंद्र मोदींना देशाचे पंतप्रधान करण्यासाठी हेवेदावे बाजूला ठेऊ असे म्हणत आमदार शेळकेंनी यूटर्न घेण्याची तयारी दर्शवली आहे. त्यासह ज्या पक्षाचा उमेदवार असेल आणि ज्याला उमेदवारी मिळेल, त्यामागे खंबीरपणे उभे राहणार असल्याचेही शेळकेंनी सांगितले. त्यामुळे आता बारणे यांच्या प्रचारासाठी शेळके मैदानात उतरणार का ते पाहणे औत्सूक्याचे ठरणार आहे. ( Maval Lok Sabha Election Will MLA Sunil Shelke campaign for Shrirang Barne )
अधिक वाचा –
– लोकसभा निवडणूकीसाठी शिवसेना पक्षाकडून उमेदवारांची पहिली यादी जाहीर, मावळमधून पुन्हा श्रीरंग बारणेंना तिकीट
– राष्ट्रवादी काँग्रेस पक्षाकडून लोकसभेसाठी 37 स्टार प्रचारकांची यादी जाहीर, आमदार सुनिल शेळकेंचाही समावेश, वाचा यादी
– अत्यंत धक्कादायक! लोणावळ्यात रॅगिंगमुळे अपंग मुलीला ‘ब्रेन स्ट्रोक’, वसतिगृहात सोबत राहणाऱ्या मुलींचा प्रताप? । Lonavala Crime News
