लोणावळा येथून एक धक्कादायक बातमी समोर येत आहे. लोणावळा येथील एका महाविद्यालयात शिकणाऱ्या अपंग मुलीला रॅगिंगमुळे बेन स्ट्रोक आला असल्याचे सांगितले जात आहे. वसतिगृहात सोबत राहणाऱ्या मुलींनी सदर मुलीची रॅगिंग केल्यामुळे तिला ‘ब्रेन स्ट्रोक’ आल्याचा आरोप पीडित मुलीच्या वडिलांनी केला आहे. याबाबत मुलीच्या वडीलांनी लोणावळा ग्रामीण पोलिस ठाण्यात तक्रार अर्ज दिला आहे. पीडित मुलीवर सध्या खासगी रुग्णालयात उपचार सुरू आहेत. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
प्राप्त माहितीनुसार, पीडित मुलगी ही लोणावळ्यातील वसतिगृहात इतर तीन मुलींसोबत राहत होती. तिच्या अपंगत्वामुळे तिन्ही मुली तिची छेड काढत असत आणि दोन-तीन महिने हा प्रकार सुरू होता, असे समजते. याबाबत पीडितेने वडिलांना माहिती दिली होती. त्यातील एका मुलीच्या पालकांना पीडितेच्या वडिलांनी बोलावले होते. तुमची मुलगी माझ्या मुलीवर रॅगिंग करते, असे सांगितल्यावर त्यांनी मुलीला समजाविण्याऐवजी पीडितेच्या वडिलांना धमकावल्याचे वडीलांनी सांगितले. ( Brain stroke to disabled girl due to ragging at Lonavala Crime )
पीडितेने तीन मुलींबाबत महाविद्यालयाच्या प्राचार्यांकडे तक्रार केली. मात्र, दखल घेतली न गेल्याने मानसिक तणावात जाऊन तिला ब्रेन स्ट्रोक आला असल्याचे तिच्या वडिलांचे सांगणे आहे. रॅगिंगच्या आरोपावरून संबंधित तीन मुलींवर कठोर कारवाई करावी, अशी मागणी पीडित मुलीच्या पालकांनी केली आहे. लोणावळा ग्रामीण पोलिस याबाबत तपास करत आहेत.
अधिक वाचा –
– मोठी बातमी! लोकसभा निवडणुकीच्या पार्श्वभूमीवर शस्त्र बाळगण्याबाबत निर्बंध लागू, वाचा सविस्तर । Pune News
– लोकसभा निवडणूकीत मतदान करताना ‘ही’ 12 ओळखपत्रे ग्राह्य धरली जाणार, पाहा यादी । Lok Sabha Election 2024
– जनहित चॅरिटेबल ट्रस्टची नवीन कार्यकारिणी जाहीर; यंदा 1 मे रोजी तळेगाव येथे सामुदायिक विवाह सोहळ्याचे आयोजन
