‘मावळ लोकसभेच्या विकासासाठी ‘मशाल’ चिन्ह लक्षात‌ ठेवा’, संजोग वाघेरेंच्या गावभेट दौऱ्याला मतदारांचा उत्स्फूर्त प्रतिसाद

‘मावळ लोकसभा मतदारसंघात ज्यांना संधी दिली, त्यांनी स्वतःसाठीच काम केले. मतदारसंघाकडे आणि मतदारसंघातील नागरिकांकडे पूर्णतः दुर्लक्ष केले. त्यामुळे मावळच्या विकासासाठी आणि गाव पातळीवरील विविध समस्या सोडवण्यासाठी शिवसेना उद्धव बाळासाहेब ठाकरे पक्षाचे “मशाल” चिन्ह लक्षात ठेवा,’ अशी साद घालत शिवसेना ठाकरे गटाचे तथा महाविकास आघाडीचे मावळ लोकसभेचे उमेदवार संजोग वाघेरे यांचा प्रचार जोरात सुरु असल्याचे दिसत आहे. त्यांच्या गावभेट दौऱ्याला मतदारांचा उत्स्फूर्त प्रतिसाद मिळत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )

संजोग वाघेरे पाटील ह्यांनी नुकताच खालापूर तालुक्यातील (जि. रायगड) वडगाव भागात गावभेट दौरा केला आणि परिसरातील मतदारांशी संवाद साधला. या दौर्‍यामध्ये परिसरातील ग्रामस्थांनी वाघेरेंचे ठिकठिकाणी जल्लोषात स्वागत केले. तसेच माता भगिनींनी संजोग वाघेरे यांचे औक्षण करत स्वागत केले. यावेळी वडगाव जिल्हा परिषद वॉर्डातील महाविकास आघाडीचे अनेक पदाधिकारी आणि कार्यकर्ते उपस्थित होते. ( Maval Lok Sabha Mahavikas Aghadi candidate Sanjog Waghere visits village in Khalapur taluka )

संजोग वाघेरे यांनी वडगाव जिल्हा परिषद विभागातील तूपगाव, पाली, सारंग, असरोटी, वयाल, बोरिवली, वडगाव, कैरे, कोपरी, लोहोप, माजगाव, वारद, पौंध, आसरेवडी, धारणी, खरसुंडी, वडवळ, तांबटी या गावांना भेटी देत ग्रामस्थांशी सवांद साधला. यावेळी संबंधित गावातील ग्रामस्थ, ज्येष्ठ नागरिक – युवक आणि मविआचे पदाधिकारी व कार्यकर्ते मोठ्या संख्येने उपस्थित होते. अनेक ठिकाणी कोपरा सभा पार पडल्या. या सभांमध्ये मावळ लोकसभेत उद्धव ठाकरेंच्या शिवसेनेचे उमेदवार संजोग वाघेरे यांना प्रचंड बहुमताने निवडून देण्याचा निर्धार व्यक्त करण्यात आला.

दरम्यान, उमेदवार संजोग वाघेरे पाटील यांनी गावांमधील प्रश्न आणि समस्या मार्गी लावण्याचे आश्वासन दिले. युवा पिढीबाबत बोलताना त्यांनी, देशात मोठ्या प्रमाणावर रोजगाराचा प्रश्न निर्माण झाला आहे. तरुणांनी पदवीऐवजी व्यावसायिक कौशल्यावर विश्वास ठेवायला हवा. येणार्‍या काळात बेरोजगारीची समस्या सोडविल्याशिवाय राहणार नाही, असे आश्वासन दिले.

अधिक वाचा –
– ‘समोरच्या उमेदवाराचे किती आव्हान असेल?’ श्रीरंग बारणे म्हणाले, ‘समोर कोण उमेदवार आहे माहिती नाही…’
– देवघर येथे रंगला एकविरा देवीचा भाऊ श्री काळभैरवनाथ महाराजांचा पालखी मिरवणूक सोहळा, हजारो भाविकांची उपस्थिती । Karla Ekvira Devi Yatra
– किल्ले तिकोणा गडावर यंदाही जल्लोषात साजरी होणार श्रीराम नवमी । Tikona Fort