रविवार, दिनांक 17 डिसेंबर पासून मावळ तालुका भारतीय जनता पार्टी पक्षाच्या गावभेट दौऱ्याची सुरुवात करण्यात आली. सर्वप्रथम नाणे मावळ भागातून दौऱ्याची सुरुवात जागृत देवस्थान श्री क्षेत्र कोंडेश्वर महादेवाचे दर्शन घेऊन करण्यात आली. यावेळी जांभवली, थोरण, शिर्दे, सोमवडी, भाजगाव, कोळवाडी , वळवंती, पाले आणि उकसान या गावातील स्थानिक पदाधिकारी आणि नागरिकांशी संवाद साधण्यात आला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
माजी राज्यमंत्री तथा भाजपाचे प्रदेश उपाध्यक्ष बाळा भेगडे, प्रदेश किसान मोर्चा अध्यक्ष गणेश भेगडे, प्रभारी भास्करराव म्हाळस्कर, निवडणूक प्रमुख रविंद्र भेगडे आदी प्रमुख नेते आणि तालुकाध्यक्ष दत्ताभाऊ गुंड, नितीन मराठे, अभिजीत नाटक, प्रणेश नेवाळे, रोहीदास असवले, अरुण कुटे आदी पदाधिकारी यावेळी दौऱ्यात उपस्थित होते. ( maval taluka bjp village visit tour started )
गावभेट दौऱ्यामध्ये प्रत्येक बूथ स्तरावरील पदाधिकारी कार्यकर्त्यांशी संवाद करून तेथील संघटनात्मक नियुक्त्या, बूथ सशक्तीकरण अभियान, विकसित भारत संकल्प यात्रा, मोदी सरकार व राज्यातील महायुती सरकारने राबविलेल्या धोरणात्मक जनकल्याणकारी योजनांचा जास्तीत जास्त प्रचार प्रसार करावा आदी बाबींवर कार्यकर्त्यांशी चर्चा झाली.
अधिक वाचा –
– शरद पवार यांच्या वाढदिवसानिमित्त वडगाव मावळ शहरात रक्तदान शिबिर; 75 रक्तदात्यांनी नोंदवला सहभाग
– ‘लोणावळा ते पुणे लोकल फेऱ्या पूर्वीप्रमाणे लवकरच चालू होणार’, रेल्वे राज्यमंत्री रावसाहेब दानवेंचे आश्वासन
– दैनिक मावळ ‘संवाद’ : साहित्यप्रेमी भगिनी मंडळाच्या अध्यक्षा, प्रसिद्ध लेखिका अंजली कुलकर्णी यांच्यासोबत खास बातचीत
