रविवारी (दि. 5 नोव्हेंबर) मतदान झालेल्या मावळ तालुक्यातील सार्वत्रिक निवडणूका असलेल्या 15 ग्रामपंचायती आणि पोटनिवडणूका असलेल्या 5 ग्रामपंचायतींचा निवडणूक निकाल आज (दि. 6 नोव्हेंबर) रोजी जाहीर होणार आहे. वडगाव मावळ इथे ही मतमोजणी होणार आहे. मावळ तालुक्यात सरपंच पदाच्या 15 जागांसाठी 37 उमेदवार, सदस्य पदांच्या 86 जागांसाठी 182 उमेदवार असे एकूण 219 उमेदवारांचे भवितव्य आज ठरणार आहे.
मावळ तालुक्यात जाहीर झालेल्या 29 ग्रामपंचायतींच्या निवडणूकांपैकी काही ग्रामपंचायतींच्या निवडणूका बिनविरोध झाल्या होत्या. त्यामुळे उर्वरित सार्वत्रिक निवडणूका आणि पोटनिवडणूकांसाठी रविवारी, दिनांक 5 नोव्हेंबर रोजी मतदान झाले. त्यांतर आज प्रत्यक्ष मतमोजणी होत आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
तालुक्यात एकूण सार्वत्रिक निवडणूका असलेल्या 19 गावांपैकी 4 गावे ही सरपंच पदासह पुर्णतः बिनविरोध निवड झाली होती. तर उर्वरित 15 गावांत निवडणूक लागली. या 15 गावांपैकी काही गावांतील सदस्य पदाच्या काही जागा बिनविरोध झाल्या होत्या. त्यामुळे 15 ग्रामपंचायतींमध्ये सरपंच पदाच्या 15 जागांसाठी 37 अर्ज आले, ज्यात शिळींब, कोंडिवडे (आं.मा.), उधेवाडी, मळवंडी ढोरे, सांगिसे, मुंढावरे, दिवड या गावांत सरपंच पदासाठी तिरंगी लढत झाली. तर, 15 ग्रामपंचायतीमध्ये सदस्य पदाच्या एकूण 117 जागांपैकी 37 जागा बिनविरोध झाल्या होत्या, त्यामुळे उर्वरित 79 सदस्य पदांच्या जागांसाठी रिंगणात असलेल्या 165 उमेदवारांचे भवितव्य आज ठरणार आहे.
दुसरीकडे, तालुक्यात 10 ग्रामपंचायतींच्या पोटनिवडणूका जाहीर झाल्या होत्या. यात शिरगाव आणि पुसाणे गावच्या सरपंच पदाची पोटनिवडणूक, तर पुसाणेसह कान्हे, खांडशी, कुसगाव, चिखलसे, दारुंब्रे, नवलाख उंब्रे, सावळा, शिवणे गावच्या सदस्य पदाची पोटनिवडणूक होती. पैकी सरपंच पदाच्या दोन्ही आणि सदस्य पदाच्या 11 जागा बिनविरोध निवडूण आल्या. त्यामुळे एकूण 7 सदस्य पदासाठी रिंगणात असलेल्या 17 उमेदवारांचे भवितव्य आज ठरणार आहे.
एकंदरीत मावळ तालुक्यातील सरपंच पदाच्या 15 जागांसाठी 37 उमेदवारांचे, सदस्य पदांच्या 86 जागांसाठीचे 182 उमेदवार असे एकूण 219 उमेदवारांचा निकाल आज लागणार आहे. ( Maval Taluka Gram Panchayat Election 2023 Results Updates )
अधिक वाचा –
– सनम शेखने पटकावला मावळ महिला श्री चषकाचा मान; ‘महिला सक्षमीकरण फक्त कागदावरच राहू नये ‘ – संध्या थोरात
– संत तुकाराम महाराज सहकारी साखर कारखान्याच्या इथेनॉल प्रकल्पाचे भूमिपूजन आणि गळीत हंगामाचा शुभारंभ
– तळेगाव स्टेशन सोसायटीच्या चेअरमन पदी दत्तात्रय दाभाडे बिनविरोध, तर व्हाईस चेअरमनपदी ‘यांची’ निवड
