लोणावळा ग्रामीण पोलीस स्टेशनच्या हद्दीतील खासगी बंगले भाड्याने देणारे बंगला मालक/चालक/केअर टेकर यांची बैठक लोणावळा विभागाचे सहाय्यक पोलिस अधिक्षक सत्यसाई कार्तिक यांच्या मार्गदर्शनाखाली लोणावळा ग्रामीण पोलीस स्टेशनमध्ये घेण्यात आली. सोमवारी (दिनांक 19 डिसेंबर) रोजी सायंकाळी पाच ते सहा या वेळेत ही बैठक घेण्यात आली. ( Meeting Of Private Bungalow Driver Owner Care Taker In Lonavala Rural Police Station Under Guidance Of ASP Satya Sai Karthik )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
सदर बैठकीमध्ये खासगी बंगल्यात असलेल्या स्विमिंग पूलचे सुरक्षिततेबाबत मार्गदर्शन करून स्विमिंग पूलला तारेचे कुंपण करणे, लहान मुलांना सहजासहजी प्रवेश करता येणार नाही, अशा उपाययोजना करणे, लाईफ गार्ड सुरक्षा गार्ड नेमणे, स्विमिंग पूलला कायदेशीर परवाना घेतलेला असावा, खासगी बंगल्यात एमटीडीसी परवाना असणे बंधनकारक आहे. गेस्टचे संपूर्ण डिटेल्स आणि ओळखपत्र घेणे त्याचे नोंद रजिस्टरमध्ये करणे बंधनकारक आहे, तसेच येणाऱ्या ग्राहकांना नियमावली वाचून दाखवून त्याचे पालन करण्याचे हमीपत्र भरून घ्यावे. स्पीकर परवाना घेऊन आवाजाच्या मर्यादेचे पालन करावे, शेजारील नागरिकांना त्रास होणार नाही याची काळजी घ्यावी.
View this post on Instagram
बंगल्याचे प्रवेशद्वारावर, आतबाहेर सीसीटीव्ही कॅमेरे अध्यायावत करणे, केअर टेकरची नेमणूक करून महिला आणि मुलींचे सुरक्षेसाठी उपाययोजना करणे, व्यवसाय करताना इतर संबंधित सर्व विभागाचे कायदेशीर परवाना घेणे, एखादा व्यक्ती संशयित वाटल्यास पोलिसांना कळवणे. ख्रिसमस आणि 31 डिसेंबरला होणाऱ्या संभाव्य गर्दीच्या अनुषंगाने कोणताही कायदा व सुव्यवस्थेचा प्रश्न निर्माण होणार नाही, याच्यासाठी योग्य ती कारवाई खबरदारी घेणे. यापुढे स्विमिंग पूलमध्ये पडून मयl झाल्याच्या घटना घडल्यास आणि बंगल्यामध्ये अवैध घटना करताना आढळून आल्यात कायदेशीर कारवाई केली जाईल, अशा सूचना बैठकीत देण्यात आल्या.
सदर बैठकीला लोणावळा विभागाचे सहाय्य पोलीस अधीक्षक सत्यसाई कार्तिक, ग्रामीण पोलीस स्टेशनचे पोलीस निरीक्षक किशोर धुमाळ, पोलीस उपनिरीक्षक संजय जाधव, पोलीस हवालदार नितेश कवडे, जय पवार, सिताराम बोकड, पोलीस नाईक दत्ता शिंदे, गवारी, पोलीस कॉन्स्टेबल सागर धनवे, सुभाष शिंदे, होमगार्ड मराठे, शिर्के यांच्यासह 100 ते 125 बंगले चालक-मालक केअरटेकर उपस्थित होते.
अधिक वाचा –
– चांदखेड आणि परंदवडी ग्रामस्थांच्या पाण्याचा प्रश्न सुटला, लवकरच घरोघरी येणार जलगंगा, महिलांची पायपीट थांबणार
– मोरवे गावात शासकीय सामाजिक सुरक्षा योजना जनजागृती कार्यक्रम; हॅण्ड इन हॅण्ड संस्थेचा स्तुत्य उपक्रम
– लोकप्रतिनिधी असावा तर असा; अडीच महिन्यांच्या बाळाला घेऊन राष्ट्रवादीच्या महिला आमदार अधिवेशनाला हजर – व्हिडिओ
