Dainik Maval News : बाप – लेकीच्या नात्याला काळीमा फासणारी एक संतापजनक घटना समोर आली आहे. लोणावळा शहराजवळील कुसगाव बुद्रुक येथे नराधम पित्यानेच आपल्या १३ वर्षाच्या अल्पवयीन मुलीवर लैंगिक अत्या’चार केल्याचा धक्कादायक प्रकार उघडकीस आला आहे. याप्रकरणी लोणावळा ग्रामीण पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, पीडितेच्या आईने याबाबत फिर्याद दिली आहे. २० जून २०२५ रोजी सायंकाळच्या सुमारास ही अमानुष घटना घडली. कुसगाव बुद्रुक हद्दीतील राहत्या घरी पीडित मुलगी एकटी असताना पित्याने तिच्यावर बलात्कार केला. आरोपीला आपली मुलगी अल्पवयीन असल्याची पूर्ण कल्पना असतानाही पित्याने तिच्यावर लैंगिक अत्याचार केले. तसेच ही किळसवाणी घटना कुणालाही न सांगण्यासाठी आरोपीने मुलीला मारण्याची धमकीही दिली असल्याचे फिर्यादीत म्हटले आहे.
याप्रकरणी लोणावळा ग्रामीण पोलीस ठाण्यात भा.न्या.सं.क. ६४ (२) (एफ), ६५(१) सह बालकांचे लैंगिक अपराधापासून संरक्षण अधिनियम २०१२ (पोक्सो कायदा) चे कलम ४, ८, १२ नुसार गुन्हा रजि. नं. १७२/२०२५ दाखल करण्यात आला आहे. पुढील तपास म.स.पो.नि. विजया म्हेत्रे करीत आहेत.
या घटनेमुळे संपूर्ण परिसरात तीव्र संताप व्यक्त होत असून नराधम आरोपीला कठोर शिक्षा देण्याची मागणी होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महत्वाची बातमी : आषाढी वारी पालखी सोहळ्याच्या अनुषंगाने पुणे जिल्ह्यातील वाहतूक मार्गात मोठे बदल – लगेच चेक करा
– धोकादायक पर्यटनस्थळे तात्पुरती बंद ठेवा, पर्यटकांच्या सुरक्षेला प्राधान्य द्या ; राज्याच्या मुख्य सचिवांचे निर्देश
– PHOTO : विठ्ठलाच्या भेटीला जगद्गुरू निघाले… देहूनगरीतून तुकोबारायांच्या पालखीचे पंढरपूरकडे प्रस्थान; पहिला मुक्काम इनामदार वाड्यात
– तळेगाव दाभाडेपासून उरुळीकांचनपर्यंत नवीन लोहमार्ग केला जाणार ; उपमुख्यमंत्री अजित पवार यांची माहिती । DCM Ajit Pawar
