Dainik Maval News : पुणे महानगर क्षेत्र विकास प्राधिकरण (पीएमआरडीए) कडून बांधकाम विकासकांना नियमबाह्यरित्या पूर्णत्वाचे दाखले दिले जात असल्याचा गंभीर आरोप होत असून याबाबत मावळचे आमदार सुनील शेळके यांनी देखील आवाज उठविला आहे. याअनुषंगाने विधानसभेचे उपाध्यक्ष आण्णा बनसोडे यांच्या अध्यक्षतेखाली विधानभवन, मुंबई येथे गुरुवारी (दि. १९) आढावा बैठक पार पडली.
नियमानुसार प्रकल्पांची शहानिशा न करता मोठ्या गृहप्रकल्पांना पीएमआरडीएकडून पूर्णत्वाचे दाखले दिले जातात, अनेक गृहप्रकल्पात मूलभूत सोयीसुविधांचा अभाव असतो, रहिवाशांच्या तक्रारी असूनही कारवाईचा अभाव आहे, अशा प्रमुख तक्रारी आणि मुद्द्यांवर या बैठकीत चर्चा करण्यात आली.
दरम्यान १६ मार्च २०२३ रोजी स्वतः आमदार सुनील शेळके यांनी विधानसभेच्या अधिवेशनात ह्या मुद्द्यावर प्रश्न उपस्थित करीत कारवाईची मागणी केली होती. त्याअनुषंगाने गुरुवारी झालेल्या आढावा बैठकीत विविध मुद्द्यांवर पीएमआरडीएकडून स्पष्टता मागण्यात आली.
नियमबाह्य प्रकल्पांची संख्या आणि त्यांच्यावर केलेली कारवाई, प्रत्यक्ष किती प्रकल्पांची स्थळ पाहणी झाली आणि नव्याने सुरु होत असलेल्या प्रकल्पांबाबत प्राप्त अर्जाची संख्या किती या प्रश्नांची उत्तरे आमदार शेळकेंनी पीएमआरडीएकडे मागितली असून या सर्वच बाबतीत संबंधित विभागांना पुढील ८ दिवसांत सविस्तर अहवाल सादर करण्याचे आदेश विधानसभा उपाध्यक्षांनी दिले.
सदर बैठकीस विधानसभा उपाध्यक्ष आण्णा बनसोडे, आमदार सुनील शेळके यांसह वने उपसचिव, पीएमआरडीए संचालक, नगरविकास अधिकारी, मावळ आणि मुळशीचे उपविभागीय अधिकारी, वनसंरक्षक, खनिकर्म अधिकारी, प्रदूषण नियंत्रण मंडळाचे अधिकारी आदी उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– महत्वाची बातमी : आषाढी वारी पालखी सोहळ्याच्या अनुषंगाने पुणे जिल्ह्यातील वाहतूक मार्गात मोठे बदल – लगेच चेक करा
– धोकादायक पर्यटनस्थळे तात्पुरती बंद ठेवा, पर्यटकांच्या सुरक्षेला प्राधान्य द्या ; राज्याच्या मुख्य सचिवांचे निर्देश
– PHOTO : विठ्ठलाच्या भेटीला जगद्गुरू निघाले… देहूनगरीतून तुकोबारायांच्या पालखीचे पंढरपूरकडे प्रस्थान; पहिला मुक्काम इनामदार वाड्यात
– तळेगाव दाभाडेपासून उरुळीकांचनपर्यंत नवीन लोहमार्ग केला जाणार ; उपमुख्यमंत्री अजित पवार यांची माहिती । DCM Ajit Pawar
