Dainik Maval News : मावळ तालुक्यातील कान्हे येथील उपजिल्हा रुग्णालय व ट्रॉमा केअर सेंटरचे लोकार्पण सोहळा तसेच विविध विकास कामांचे भूमिपूजन उपमुख्यमंत्री अजित पवार यांच्या हस्ते करण्यात आले. यावेळी आमदार सुनील शेळके, तहसिलदार विक्रम देशमुख आदी मान्यवर उपस्थित होते. यावेळी अजित पवार यांनी येत्या दहा ऑक्टोबरच्या आत लाडक्या बहीणींच्या खात्यात दोन महिन्याचे हफ्ते जमा होणार असल्याचे सांगितले.
काय म्हटले अजित पवार –
मी आज कॅबिनेटनंतर लाडकी बहीण योजनेसाठी लागणाऱ्या 8000 कोटी निधीच्या फाइलवर सही करून आलोय. त्यामुळे येत्या दहा तारखेच्या आत ऑक्टोबर आणि नोव्हेंबर अशा दोन्ही महिन्यांचे पैसे लाभार्थी महिलांच्या खात्यात जमा होइल, असे अजित पवार यांनी मावळमधील सभेत बोलताना सांगितले.
शासनाने महिलांच्या सक्षमीकरणासाठी ‘मुख्यमंत्री माझी लाडकी बहिण’ योजना सुरू केली आहे. जुलै ते सप्टेंबर पर्यंतचे हप्ते महिलांच्या खात्यात जमा झाले आहेत. ऑक्टोबर आणि नोव्हेंबरचे दोन हप्ते दसरा दिवाळी सण लक्षात घेऊन १० ऑक्टोबर रोजी लाभार्थी महिलांच्या खात्यात जमा होतील.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– कॅबिनेट बैठकीत पुणे रिंग रोड प्रकल्पाच्या कामास मान्यता, एकूण 42 हजार 711 कोटींचा प्रकल्प । Pune Ring Road
– रूपाली चाकणकर यांच्या प्रमुख उपस्थितीत तळेगावात ‘स्वच्छता ही सेवा’ उपक्रमाची सुरूवात । Talegaon Dabhade
– मुख्यमंत्री एकनाथ शिंदे आज मावळात येणार, कार्ला गडावर एकविरा देवीचे दर्शन घेणार । CM Eknath Shinde
