वडगाव नगरीचे माजी नगराध्यक्ष मयूर ढोरे यांच्या वाढदिवसानिमित्त मोरया प्रतिष्ठानातील पदाधिकारी आणि सभासदांसाठी स्नेहसंमेलनाचे आयोजन करण्यात आले होते. यावेळी काँग्रेसचे माजी तालुकाध्यक्ष बाळासाहेब ढोरे आणि वडगाव कातवीतील सहकारी हितचिंतक उपस्थित होते. यावेळी नगराध्यक्ष मयूर ढोरे यांच्या वाढदिवसाचे औचित्य साधून मोरया प्रतिष्ठानमार्फत रुग्णवाहिकेचे लोकार्पण करण्यात आले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
आमदार सुनिल शेळके, काँग्रेसचे माजी तालुकाध्यक्ष बाळासाहेब ढोरे यांच्या मार्गदर्शनाखाली मोरया प्रतिष्ठानच्या वतीने नेहमीप्रमाणेच सामाजिक बांधिलकी जपत सर्वसामान्य व्यक्तीला केंद्रबिंदू मानून शहरात विविध जनहितार्थ योजना तसेच उपक्रम राबविले जातात. याचाच एक भाग म्हणून “मोरया जनआरोग्य मदत कक्षा” मार्फत वैद्यकीय क्षेत्रात अजून एक पाऊल पुढे टाकत “मदत नव्हे कर्तव्य” अंतर्गत वडगाव कातवीतील नागरिकांच्या सेवेसाठी रुग्णवाहिकेचे अनावरण करण्यात आले. (Morya Pratishthan Vadgaon Maval New Ambulance Inauguration)
“हे गाव माझं आहे आणि मी त्याचं काही देणं लागतो” या भावनेने माजी नगराध्यक्ष मयूर ढोरे आणि मोरया महिला प्रतिष्ठान अध्यक्षा अबोली ढोरे यांनी वडगाव नगरपंचायत हद्दीत विविध समाजोपयोगी लोकहितासाठी योगदान उभे केले आहे. त्याचाच एक भाग म्हणून सर्व नागरिकांना वेळेवर वैद्यकीय सोयी सुविधा मिळाव्यात अन् त्यांचे आरोग्य निरोगी व सदृढ रहावे. या दूरदृष्टीने अतिशय अल्पदरात रुग्णवाहिका सेवा उपलब्ध करून देण्यात आली आहे.
‘कोणालाही काही अडचण भासल्यास या रूग्णवाहिका गाडीवर संपर्क क्रमांक देण्यात आलेले आहे,’ असे आवाहन माजी नगराध्यक्ष मयूर ढोरे यांनी केले.
अधिक वाचा –
– पुणे-लोणावळा रेल्वे मार्गावर पुन्हा मेगाब्लॉक, ‘या’ लोकल गाड्या रद्द, पाहा वेळापत्रक । Mega Block on Pune Lonavala Railway Route
– खवले मांजराच्या तस्करी प्रकरणी 6 जणांना वनकोठडी, मावळमधील एका आरोपीचा समावेश । Pune News
– बारामतीच्या खासदार सुप्रिया सुळे आणि मावळचे खासदार श्रीरंग बारणे यांना ‘संसद उत्कृष्ट महारत्न’ पुरस्कार प्रदान । Sansad Ratna Award
