Dainik Maval News : मुंबई ते पुणे प्रवास अधिक जलद व्हावा यासाठी मिसिंग लिंकचे काम वेगाने सुरू आहे. राज्य सरकारचा हा अत्यंत महत्वकांक्षी प्रकल्प सध्या अंतिम टप्प्यात असून येत्या जूनपर्यंत हा मार्ग वाहतुकीसाठी खुला होऊ शकतो, अशी शक्यता व्यक्त करण्यात येत आहे. मिसिंग लिंकमुळे मुंबई ते पुणे मार्गाचे अंतर 6 किमीने कमी होणार असून तब्बल तीस मिनिटांचा वेळ वाचणार आहे.
मुंबई-पुणे द्रुतगती मार्गावरील खोपोली एक्झिट ते कुसगाव येथे 13.3 किमीच्या पर्यायी रस्ताचे काम एमएसआरडीसीकडून सोपवण्यात आले आहे. या रस्त्यावर लोणावळा येथून जाणाऱ्या खोपोली एक्झिटपासून ते सिंहगड इन्स्टिट्यूटपर्यंत असणाऱ्या 19.8 किमी अंतराच्या बोगद्यांचे काम 90 टक्के पूर्ण झाले आहे.
जिथे मिसिंग लिंकचे काम सुरू आहे तो डोंगरभाग असून 130 मीटर उंचीच्या केबल पुलावर काँक्रिटीकरण करण्याचे काम सुरू आहे. पावसाळ्यात या ठिकाणचे काम पूर्णतः बंद करावे लागते. त्यामुळं यंदा पावसाळ्यात नागरिकांचा प्रवास सोप्पा होणार आहे.
- मुंबई-पुणे मिसिंग लिंकमुळं लोणावळा घाटातील होणाऱ्या वाहतूक कोंडीतून सुटका होणार आहे. खोपोली एक्झिटपासून ते लोणावळ्याच्या कुसगावपर्यंत दोन्ही दिशेने प्रत्येकी 4 मार्गिकांचे 2 बोगदे उभारण्यात येतायत. त्यातील सर्वात मोठ्या बोगद्याची लांबी 8.87 किमी इतकी आहे. तर दुसरा बोगदा 1.67 किमी लांबीचा आहे.
मिसिंग लिंक प्रकल्प हा मुंबई पुणे या दोन शहरांमधील कनेक्टिव्हिटी वाढविण्यासाठी महत्त्वपूर्ण आहे. या प्रकल्पाचे 95 टक्के काम पूर्ण झाले आहे. मिसींग लिंकमुळे मुंबई पुणे या शहरातील अंतर 6 किमी ने कमी होणार आहे. यामुळे प्रवाशांचा जवळपास 30 मिनीटांचा वेळ वाचणार आहे. डिसेंबर 2024 हा प्रकल्प प्रवाशांच्या सेवेत दाखल होणार होता. मात्र, नियोजीत वेळेत हा प्रकल्प पूर्ण होऊ शकलेला नाही. यामुळे आता हा प्रकल्पाची अंतिम मुदत मार्च 2025 पर्यंत वाढविण्यात आली. जून 2025 मध्ये मुंबई-पुणे मिसिंग हा प्रकल्प प्रवाशांच्या सेवेत दाखल होणार आहे, अशी माहिती एमएसआरडीसीच्या अधिकाऱ्यांनी दिली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– केंद्र सरकारकडून पद्म पुरस्कारांची घोषणा ! महाराष्ट्रातील चौदा जणांचा समावेश ; मनोहर जोशी यांना मरणोत्तर पद्मभूषण, अशोक सराफ यांना पद्मश्री
– महाराष्ट्रातील 48 पोलिसांना उत्कृष्ट सेवेकरिता ‘पोलीस पदके’ तर चार अधिकाऱ्यांना राष्ट्रपती विशिष्ट सेवा पदक – पाहा यादी
– महाराष्ट्रातील तिघांना ‘जीवन रक्षा पदक’ पुरस्कार जाहीर, देशात एकूण 49 व्यक्तींना मिळणार पुरस्कार – पाहा यादी
