Maval Lok Sabha Election : मावळ लोकसभा मतदार संघामध्ये कामगार मतदार मोठ्या प्रमाणात आहेत. त्यामुळे मावळ लोकसभेची जागा राष्ट्रीय श्रमिक आघाडीला मिळावी, अशी मागणी यशवंत भोसले यांनी केली आहे. तसेच भारतीय जनता पार्टीने महायुतीचा उमेदवार म्हणून जर उमेदवारी दिली तर श्रमिकांचा नेता म्हणून मोठ्या मताधिक्याने मी विजयी होईल असेही यशवंत भोसले यांनी म्हटले आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
महायुतीत मावळ लोकसभेची जागा शिवसेना पक्षाला की भाजपाला जाणार, याचा पेच कायम आहे. असे असताना भारतीय जनता पक्षाचे पिंपरी चिंचवड शहरातील ज्येष्ठ कामगार नेते तसेच राष्ट्रीय श्रमिक आघाडीचे अध्यक्ष यशवंत भोसले यांनी मावळ लोकसभा मतदारसंघात उमेदवारीची मागणी पक्षाकडे केल्याची माहिती पत्रकार परिषदेच्या माध्यमातून दिली. ( Nominate me for Maval Lok Sabha National Shramik Aghadi Yashwant Bhosale demand to BJP )
कासारवाडी येथे मंगळवारी पत्रकार परिषद घेऊन यशवंत भोसले यांनी ही मागणी केली. यावेळी उद्योजक संघटनेचे अध्यक्ष जयदेव अक्कोलकोटे, एसकेएफचे स्वानंद पाचपाठक, हॉटेल व्यावसायीकांचे प्रतिनिधी दिपक पाटील, विद्यार्थी व युवा संघटनेचे अध्यक्ष दिनेश पाटील, विठ्ठल ओझरकर, नितीन कांबळे, बापुसाहेब वाघेरे विविध कंपन्यांचे प्रतिनिधी उपस्थित होते.
मावळ लोकसभा क्षेत्रातील बऱ्यापैकी भाग हा औद्योगिक असल्याने या भागात मोठ्या प्रमाणात श्रमिक वर्ग वास्तव्यास आहे. या श्रमिक वर्गाच्या प्रश्नांचं प्रतिनिधित्व लोकसभेत करण्यासाठी महायुतीत भाजपने मावळ लोकसभा क्षेत्राची जागा ज्येष्ठ कामगार नेता म्हणून मला द्यावी, अशी अपेक्षा यशवंत भोसले यांनी पक्षाकडे केल्याचे नमूद केले. दरम्यान पक्षाने आपल्याला उमेदवारी दिली नाही तर बंड करून वेगळी भूमिका घेणार नाही, असेही भोसलेंनी स्पष्ट केले.
अधिक वाचा –
– जनहित चॅरिटेबल ट्रस्टची नवीन कार्यकारिणी जाहीर; यंदा 1 मे रोजी तळेगाव येथे सामुदायिक विवाह सोहळ्याचे आयोजन
– वराळे येथील शेतकरी कुटुंबातील आदर्श माता शकुंतला मराठे यांचे अल्पशा आजाराने निधन । Maval News
– श्री संत तुकाराम महाराज बीज सोहळ्यासाठी पवनानगर येथून मानाची दिंडी आणि पालखी देहूगावच्या दिशेने मार्गस्थ । Tukaram Beej 2024
