तळेगाव दाभाडे : वराळे येथील शेतकरी कुटुंब व वारकरी संप्रदायातील आदर्श माता शकुंतला (ताई) आण्णासाहेब मराठे (वय 58) यांचे रविवारी (दि. २४)अल्पशा आजाराने दु:खद निधन झाले. त्या धार्मिक वृत्तीच्या होत्या. त्यांच्या मागे पती, प्रगतिशील शेतकरी आण्णासाहेब मराठे, चार मुले, दिर, पंचायत समितीचे माजी सभापती धोंडीबानाना मराठे, पुतणे, सुना, नातवंडे असा मोठा परिवार आहे. त्यांच्या पार्थिवावर रविवारी दुपारी वराळे येथील इंद्रायणी नदी तीरावरील वैकुंठधाम येथे अंत्यसंस्कार करण्यात आले. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
महाराष्ट्र प्रदेश किसान मोर्चाचे अध्यक्ष गणेश भेगडे, पंचायत समितीचे माजी सभापती निवृत्तीभाऊ शेटे, गुलाबराव म्हाळसकर, माजी उपसभापती शांताराम कदम, माजी सरपंच ज्ञानेश्वर मराठे आदींनी श्रद्धांजली समर्पित केली. यावेळी माजी राज्यमंत्री बाळा भेगडे, ज्येष्ठ नेते माऊली दाभाडे, मावळ तालुका खरेदी विक्री संघाचे चेअरमन शिवाजी असवले, दीपक हुलावळे यांच्यासह सामाजिक, राजकीय, सहकार, शैक्षणिक, कृषी, व्यापार व अध्यात्मिक क्षेत्रातील अनेक मान्यवर उपस्थित होते. ( Shakuntala Marathe passed away due to illness Varale village Maval )
कै. शकुंतलाताई मराठे यांनी आयुष्यभर आपल्या काळ्या आईची सेवा केली. आपल्या उमेदीच्या काळात त्यांनी शेतीमध्ये नवनवीन प्रयोग करून आधुनिक पद्धतीने शेती केली. त्या दानशूर होत्या.मावळ तालुका भाजपा युवा मोर्चाचे अध्यक्ष, माजी जिल्हा परिषद सदस्य नितीन मराठे, उद्योजक राहुल मराठे, सचिन मराठे, विक्रम मराठे यांच्या त्या मातोश्री तर माजी राज्यमंत्री संजय तथा बाळाभाऊ भेगडे, तळेगाव दाभाडे नगरपरिषद शिक्षण मंडळाचे माजी सभापती नारायण भेगडे यांच्या त्या भगिनी होत.
त्यांचा दशक्रिया विधी पाचव्या दिवशी गुरुवार, दि. २८ मार्च रोजी सकाळी आठ वाजता वैकुंठधाम, इंद्रायणी नदीकाठी, वराळे येथे होणार आहे. दरम्यान सोमवारी सकाळी खासदार श्रीरंग अप्पा बारणे, मावळ विधानसभा प्रचार प्रमुख रवींद्र भेगडे, संत तुकाराम सहकारी साखर कारखान्याचे संचालक मधुकर भोंडवे आदींनी नितीन मराठे आणि परिवाराचे सांत्वन केले.
अधिक वाचा –
– वडगावमध्ये शिवकालीन मर्दानी खेळ, ऐतिहासिक दगडी गोटी उचलण्याच्या स्पर्धेत नव्या विक्रमासह सौरभ ढोरे प्रथम । Vadgaon Maval
– महाराष्ट्राच्या राजकारणात मोठा ट्विस्ट! महादेव जानकर यांचा रासप पक्ष महायुतीसोबत, लोकसभेची एक जागा मिळणार । Lok Sabha Election 2024
– ‘पुणे लोकसभेच्या आखाड्यात हजारो मल्ल ठोकणार शड्डू’, मुरलीधर मोहोळांचा घरोघरी जाऊन करणार प्रचार । Pune Lok Sabha Election 2024
