मावळ तालुक्यातील एक अग्रणी शिक्षण संस्था म्हणून नूतन महाराष्ट्र विद्या प्रसारक मंडळ संस्थेचे नाव आहे. संस्थेच्या तालुक्यात अनेक शाळा असून त्या शाळांची कामगिरीही चांगली आहे. पवन मावळ भागात पवनानगर येथे पवना शिक्षण संकूलात पवना विद्या मंदिर ही शाळाही संस्थेचीच आहे. या ठिकाणच्या धरणग्रस्तांच्या मुलांना चांगले शिक्षण घेता यावे, यासाठी ही शाळा सुरू करण्यात आली. परंतू सध्या शाळा व्यवस्थापन आकारत असलेली फी पालकांना परवडणारी नसून संस्था अध्यक्ष म्हणून बाळा भेगडे यांनी यात लक्ष घालावे आणि फी कमी करावी, याबाबत पालकांच्या वतीने त्यांना निवेदन देण्यात आले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
पवना धरण वसल्यावर येथील शेतकरी प्रकल्प बाधित झाले. जमिनी गेल्याने त्यांच्यावर गुजराण करण्याचा प्रश्न निर्माण झाला. अशा काळात नूतन महाराष्ट्र विद्या प्रसारक मंडळ संस्थेने येथे शाळा सुरू करून शेतकऱ्यांना दिलासा दिला. सामान्य शेतकऱ्यांना माफक फी भरून दर्जेदार शिक्षण पवना विद्या मंदिर शाळेत दिले जावू लागले. त्यातूनच शिकलेल्या मुलांच्या पिढ्या निर्माण झाल्यात. आता शाळेची पटसंख्याही चांगली विस्तारली असून सुसज्ज इमारत येथे आहे. त्यासह शाळेला अनेक देणग्याही मिळत आहेत. असे असताना शाळा व्यवस्थापनाने 2000 रुपयेच्या वर फी विद्यार्थ्यांमागे आकारली असून ही फि येथील पालकांना परवडणारी नसल्याचे अरविंद रोकडे यांनी दैनिक मावळशी बोलताना सांगितले. ( Nutan Maharashtra Vidya Prasarak Mandal Pavana Vidya Mandir Pavananagar Bala Bhegade )
अध्यक्ष या नात्याने संजय उर्फ बाळा भेगडे यांनी यात लक्ष घालावे, फी कमी करावी आणि स्थानिक गरीब शेतकरी पालकांना दिलासा द्यावा, अशी मागणी त्यांनी केली आहे. बाळा भेगडे यांना त्यांनी आपल्या मागण्यांचे निवेदन दिले आहे. त्यावर बाळा भेगडे यांनी सात दिवसांच्या आत याबाबत बैठक घेऊन सकारात्मक निर्णय घेऊ असे सांगितल्याचे रोकडे यांनी सांगितले.
अधिक वाचा –
– लोणावळ्यात पर्यटकांचा ‘पूर’, एकविरा देवीच्या दर्शनासाठी भाविकांचा ‘उच्चांक’, वाहनांची संख्या वाढल्याने ‘वाहतूककोंडी’ । Lonavala News
– आंबी येथे गटशिक्षणाधिकारी यांच्या उपस्थितीत पार पडला विद्यार्थ्यांचा प्रवेशोत्सव सोहळा । Maval News
– मावळच्या 4 तरूणांनी सायकलवरून केली पंढरपूरची वारी, दोन दिवसात 544 किलोमीटर अंतर पूर्ण
