Dainik Maval : राज्याचे उपमुख्यमंत्री तथा पुणे जिल्ह्याचे पालकमंत्री अजित पवार (Ajit Pawar) यांच्या अध्यक्षतेखाली मंत्रालयात लोणावळा (Lonavala News) शहरातील विविध समस्यांबाबत मंगळवारी (दि. 20 ऑगस्ट) आढावा बैठक घेण्यात आली. मागील आठवड्यात शुक्रवारी (दि.16 ऑगस्ट) लोणावळा शहरात झालेल्या संवाद बैठकीत अजित पवार यांनी शहरातील समस्यांबाबत विशेष बैठक घेण्याचा शब्द दिला होता. त्यानुसार मंगळवारी मंत्रालयात ही बैठक संपन्न झाली. सदर बैठकीत लोणावळा-खंडाळा शहरासाठी अनेक महत्त्वपूर्ण निर्णय घेण्यात आले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
लोणावळा शहरातील वाहतूक कोंडीचा प्रश्न सोडविण्यासाठी शहरातील जुन्या महामार्गाच्या रुंदीकरणाची कार्यवाही नगरपालिकेने सुरू करावी. लोणावळा शहरात ओला-उबर सारख्या ऑनलाइन बुकिंगच्या रिक्षा व टॅक्सींना व्यवसायासाठी बंदी करण्यासह लोणावळा-खंडाळा शहरातील विविध विकासकामांबाबत अनेक महत्त्वपूर्ण निर्णय उपमुख्यमंत्री व पुणे जिल्ह्याचे पालकमंत्री अजित पवार यांच्या अध्यक्षतेखाली मुंबईत मंत्रालयामध्ये झालेल्या बैठकीत घेण्यात आले. ( Online taxis like Ola Uber banned for business in Lonavla city )
लोणावळ्यात ऑनलाईन टॅक्सी व्यवसायाला बंदी –
ऑनलाईन टॅक्सी (ओला/उबेर इ.) यांना लोणावळा शहरामध्ये व्यवसाय करण्यास पुर्णपणे बंदी करण्यात आली असून याबाबतचे निर्देश अजित पवार यांनी बैठकीत दिले. त्यामुळे लोणावळा शहरातील स्थानिक रिक्षा व टॅक्सी चालकांना दिलासा मिळाला आहे. तसेच त्यांच्या अनेक वर्षांपासूनच्या मागणीला यश मिळाले आहे.
अधिक वाचा –
– रक्षाबंधनाच्या दिवशी तळेगावातील मायलेकींनी केलेल्या कृतीची सर्वत्र होतीये चर्चा ! आमदार सुनिल शेळकेंनीही केले कौतूक – पाहा व्हिडिओ
– एकविरा विद्या मंदिर शाळेतील विद्यार्थ्यांच्या कलागुणांना वाव मिळावा याकरिता सांस्कृतिक वाद्य साहित्यांची भेट । Karla News
– स्माईल व्यसनमुक्ती केंद्रात रोटरी सिटीच्या माध्यमातून रक्षाबंधन सण साजरा । Maval News