लोकसभा निवडणूक 2024 आणि आगामी सण-उत्सव यांच्या पार्श्वभूमीवर लोणावळा पोलिसांनी (ता. मावळ) सोमवारी (दिनांक 18 मार्च) लोणावळा शहरातून शिस्तबद्ध रित्या संचलन केले. लोणावळा शहराचे पोलीस निरीक्षक सुहास जगताप यांच्या नेतृत्वाखाली 7 पोलिस अधिकारी आणि 110 पोलीस अंमलदार कर्मचारी हे रूट मार्चमध्ये सहभगी झाले होते. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
माननीय पोलीस अधीक्षक डॉ. पंकज देशमुख, अप्पर पोलीस अधीक्षक रमेश चोपडे आणि सहाय्यक पोलीस अधीक्षक सत्यसाई कार्तिक यांच्या मार्गदर्शनाखाली पोलीस निरीक्षक सुहास जगताप (लोणावळा शहर पोलिस स्टेशन) यांच्या सोबत 7 पोलिस अधिकारी आणि सीआयएसएफ व स्थानिक पोलीस स्टेशन कडील अंमलदार जवान ह्यांनी शक्ती प्रदर्शन रूट मार्चमध्ये सहभाग घेतला. ( Pune Gramin Lonavala City Police Route March in background of Lok Sabha Election 2024 )
सध्या लोकसभा निवडणूकीच्या सर्व तारखा जाहीर झाल्या आहेत. तसेच निवडणूकीची आचारसंहिता देखील लागू झालेली आहे. अशा काळात शहरात शांतता आणि सुव्यवस्था कायम रहावी. तसेत येत्या काळात होळी, रमजान, श्री छत्रपती शिवाजी महाराज यांची जयंती यांसारखे अनेक सण उत्सव आहेत. त्या सर्वच अनुषंगाने कायदा सुव्यवस्था अबाधित रहावी यासाठी हा रूट मार्च काढल्याचे पोलीस निरीक्षक जगताप यांनी सांगितले.
अधिक वाचा –
– वडगाव मावळ शिवजयंती उत्सव समितीची नवी कार्यकारिणी जाहीर, शिवजन्मोत्सव जल्लोषात साजरा करण्याचा निर्णय । Vadgaon Maval
– लोकसभा निवडणूक 2024 च्या पार्श्वभूमीवर कामशेत पोलिसांचा रूट मार्च । Kamshet Police Route March
– मोठी बातमी! पुणे जिल्ह्यातील 71 मंदिरांमध्ये वस्त्रसंहिता लागू करण्याचा निर्णय, तोकड्या कपड्यांनी गेल्यास प्रवेश नाकारणार, वाचा यादी
