राज्यभरातील पोल्ट्री व्यवसायिकांच्या प्रलंबित मागण्यांसंदर्भात महाराष्ट्र राज्य पोल्ट्री योद्धा संघटनेच्या वतीने राज्याचे पशुसंवर्धन आयुक्त कौस्तुभ दिवेगावकर यांना विविध मागण्यांचे निवेदन देण्यात आले. संघटनेच्या दहा लाख सभासदांच्या वतीने संघटनेचे संस्थापक अध्यक्ष अनिल खामकर आणि सचिव विलास साळवी तसेच शरद गोडांबे, नंदू चौधरी, सर्जेराव भोसले, एकनाथ गाडे,सुभाष केदारी आदींच्या उपस्थितीत हे निवेदन देण्यात आले. यावेळी राज्याच्या विविध जिल्ह्यातील पोल्ट्री उद्योजक मोठ्या संख्येने उपस्थित होते. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
या निवेदनात करण्यात आलेल्या मागण्या पुढीलप्रमाणे ;
1) भारत सरकारची पोल्ट्री व्यवसाय बाबतची गाईडलाईन महाराष्ट्र शासनाने लागू करावी.
2) कंपन्याकडून दिल्या जाणाऱ्यां खाद्याच्यां गोणीवर अन्नघटकाचा उल्लेख करावा.
3) ग्रामपंचायतने आकारलेली अन्यायकारक पोल्ट्री वरील घरपट्टी रद्द करावी.
4) प्रत्येक पोल्ट्री धारकाला सौर ऊर्जा प्रकल्प मंजूर करावा.
5) पोल्ट्री कंपनीकडून होणारा अन्याय दूर करावा आधी मागण्यांचे निवेदन देऊन संघटनेच्या पदाधिकाऱ्यांनी सखोल चर्चा केली.
यावेळी, पोल्ट्री व्यवसायिकांचे प्रलंबित प्रश्न शासन दरबारी पोहोचवण्याचे आणि ते सोडविण्यासाठी मदत करण्याचे आश्वासन दिल्यानंतर पोल्ट्री व्यावसायिक संघटना यांनी समाधान व्यक्त केले. मावळ तालुक्यातून मावळ तालुका पोल्ट्री योद्धा संघटनेचे अध्यक्ष एकनाथ गाडे, कार्याध्यक्ष सुभाष केदारी, खजिनदार विनायक बधाले, उपाध्यक्ष उत्तम शिंदे, सहसचिव महेश कुडले, उद्योजक संभाजी शिंदे, दत्ता निम्हण, सचिन आवटे यासह पोल्ट्री उद्योजक मोठ्या संख्येने सहभागी झाले होते. ( representation to Commissioner of Animal Husbandry regarding various demands of Poultry Professionals )
अधिक वाचा –
– भुशी धरण दुर्घटना दुर्दैवी, पीडितांच्या कुटुंबियांना प्रत्येकी 5 लाखांची मदत जाहीर ! अजित पवार यांची विधानसभेत घोषणा
– देवदर्शन यात्रा समितीच्या वतीने ‘श्री वसंतस्मृती वारकरी प्रथमोपचार सेवा संच’चे वाटप
– शिवसेना आणि राष्ट्रवादीच्या नवनिर्वाचित खासदारांनी घेतली पंतप्रधान नरेंद्र मोदी यांची भेट