Dainik Maval News : मावळ तालुक्यातील साते गावातील रहिवासी खंडू जबाजी आगळमे यांचा मुलगा सद्गुरू खंडू अगळमे याची पिंपरी-चिंचवड शहर पोलीस दलामध्ये निवड झाली आहे. यासह सद्गुरू याने गावातील पोलीस भरतीची परंपरा कायम ठेवली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सद्गुरु याच्या यशात त्याच्या आई वडिलांचे तसेच संपूर्ण कुटुंबियांचे खूप मोठे योगदान आहे. त्याच्या दोन बहिणी शिक्षिका आहेत. योगिता सुरेश माझिरे आणि रेश्मा खंडू नवघने यांचे त्याला वेळोवेळी मार्गदर्शन मिळाले. भाऊ ऋषिनाथ आगळमे यानीही सतत प्रेरणा देऊन सदगुरू याचा संयम ढळू न देता प्रयत्न करण्यास प्रवृत्त केले. ( Sadguru Agalme from Sate village Selected in Pimpri-Chinchwad Police Force Maval News )
स्वातंत्र्यादिनी पहाटे ही गोड बातमी समजली अन् सद्गुरू आणि त्याच्या कुटुंबियांच्या आनंदाला पारावर उरला नाही. जिल्हा परिषद शाळा साते आणि नानासाहेब बलकवडे माध्यमिक शाळा साते या दोन्ही शाळांनी स्वतःहून सदगुरू यास ध्वजारोहणाचा सन्मान दिला. दुपारी नवनीत अकादमी कामशेतचे सर्व शिक्षक आणि विद्यार्थ्यांनी जल्लोष करत मिरवणूक काढली. संध्याकाळी ग्रामदैवत भैरवनाथ महाराज यांचा आशीर्वाद घेऊन गावकऱ्यांनी गावच्या सुपुत्राची खांद्यावर घेवून भव्य मिरवणूक काढली. जागोजागी महिलांनी आरतीचे ताट हाती घेऊन सद्गुरूला ओवाळले.
आजच्या यशाने मी भारावून गेलो आहे. याचे सर्व श्रेय माझ्या आई वडील आणि गुरुजन यांना जाते. ग्रामदैवत श्री भैरवनाथ महाराजांचा आशीर्वाद मिळाला. अजून भरपुर तयारी करायची आहे. पुढे पोलीस उपनिरीक्षक साठी तयारी चालू ठेवणार आहे. – सदगुरु खंडू आगळमे
साते गावातील अजून एक हिरा चमकला आहे. गेल्या वर्षी पाच आणि यंदा आजपर्यंत दोन मुले यशस्वी झाली. सद्गुरु खंडू आगळमे आणि ऋतुजा गायकवाड (मोहितेवाडी) या दोन्ही मुलांनी गावचे नाव रोशन केले आहे. एक दिवस नक्की येईल की साते गाव हे पोलिसांचे अन् अधिकाऱ्यांचे असेल. – तुकाराम बाळू आगळमे, ग्रामस्थ
अधिक वाचा –
– महत्वाचे ! वस्तू खरेदी करताना मोबाईल नंबर देणे बंधनकारक नाही, समजून घ्या नियम
– पोलिसांची सिनेस्टाईल कारवाई ! घरफोडी करणाऱ्या आंतरराज्य टोळीतील मुख्य आरोपीला अटक, 12 लाखांचा मुद्देमाल जप्त
– Breaking : उपमुख्यमंत्री अजित पवार यांच्या अध्यक्षतेखालील बैठकीत लोणावळा शहराबाबत अनेक मोठे निर्णय – एका क्लिकवर वाचा सर्व निर्णय