Dainik Maval News : जगद्गुरू संतश्रेष्ठ श्री तुकाराम महाराज यांच्या पालखीचे आज, बुधवारी (दि. १८ जून) श्रीक्षेत्र देहू येथून तीर्थक्षेत्र पंढरपूरच्या दिशेने प्रस्थान झाले.
टाळ मृदंगाच्या निनादात आणि हरिनामाच्या गजरात लाखो वारकऱ्यांच्या आणि वरूणराजाच्या उपस्थित जगद्गुरू संत तुकाराम महाराज यांच्या पालखीचा प्रस्थान सोहळा झाला.
तुकोबाराय देहूनगरीतून आज प्रभू परमात्मा पांडुरंगाच्या भेटीसाठी पढंरपूरी निघाले. यावेळी तुकोबांच्या पालखीचा पहिलाच मुक्काम देहूतील इनामदार वाड्यात पडला.
राज्याचे मुख्यमंत्री देवेंद्र फडणवीस, दिंडी क्रमांक २८ मधील शिवाजी नारायण शिंदे आणि माऊली महाराज कदम यांच्या मंदिरात श्री गणेश पूजन, कलश पूजन, पाद्य पूजन करून पालखीची विधिवत प्रस्थान पूजा व आरती झाली.
त्यानंतर दुपारी ३.१५ वाजण्याच्या सुमारास तुकोबांच्या पालखीने पंढरपूरकडे प्रस्थान केले. वारकऱ्यांचा विक्रमी गर्दीमुळे इंच इंच वेगानेच पालखी पुढे सरकावत होती. याचवेळी वरूणराजाचे आगमन झाले.
परंतु पावसामुळे व्यत्य न येता पालखी दुप्पट उत्साहाने मार्गक्रमण करत राहिली. अखेर सायंकाळी ६ वाजण्याच्या सुमारास पालखी येथील पहिल्या मुक्कामासाठी इनामदार वाड्यात विसावली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– कुंडमळा ठिकाणी दर्शक गॅलरी असणारा पूल उभारणार, अतिरिक्त निधी देणार – उपमुख्यमंत्री अजित पवार यांचे आश्वासन
– जिल्ह्यातील सर्व पुल, साकव, रस्ते, इमारती, वाडे, जाहिरात फलकांची ७ दिवसात बांधकाम तपासणी करा – जिल्हाधिकारी जितेंद्र डुडी
– वडगाव नगरपंचायतीकडून शहराचा प्रारूप विकास आराखडा (डीपी) प्रसिद्ध । Vadgaon Maval Nagar Panchayat
