Dainik Maval News : लोणावळा शहरात जगभरातून पर्यटक पर्यटनासाठी येत असतात. इथे येणाऱ्या पर्यटकांच्या सुरक्षिततेसाठी राज्य सरकारने येथे पर्यटक पोलीस ठाणे उभारण्याचे ठरविले आहे. तत्पुर्वी लोणावळा पोलिसांनी पर्यटकांच्या सुरक्षिततेसाठी विशेष पाऊल उचलले आहे. कोणत्याही आपत्कालीन परिस्थितीत पर्यटकांना थेट पोलिसांशी संपर्क साधता यावा यासाठी लोणावळा पोलिसांनी नवा हेल्पलाइन नंबर जारी केला आहे.
9850112400 हा पर्यटकांसाठी आपत्कालीन हेल्पलाईन नंबर असून यावर पर्यटक मदत मागू शकतात. लोणावळा शहरचे वरिष्ठ पोलीस निरीक्षक सुहास जगताप यांनी ही माहिती दिली असून पर्यटनस्थळी येणाऱ्या नागरिकांनी हा नंबर सेव्ह करून ठेवण्याचे आवाहन केले आहे. Lonavala Tourist Helpline Number.
- सध्या पोलिसांचा आपत्कालीन क्रमांक 112 उपलब्ध असला तरी पर्यटकांना स्थानिक पोलिसांशी थेट संपर्क साधता यावा आणि तातडीने मदत मिळावी, यासाठी 9850112400 हा स्वतंत्र हेल्पलाइन क्रमांक कार्यान्वित करण्यात आला आहे. या हेल्पलाईनद्वारे कोणत्याही अडचणीत असलेल्या पर्यटकांना त्वरीत मदत मिळणे, वाहतूक, चोरी, फसवणूक किंवा अन्य आपत्कालीन परिस्थितीत त्वरित प्रतिसाद मिळणे, व स्थानिक पोलिसांची थेट मदत मिळवण्याची सुविधा मिळविणे शक्य होणार आहे.
लोणावळा शहरातील पर्यटन अधिक सुरक्षित व्हावे, यासाठी लोणावळा पोलिसांनी घेतलेल्या या स्तुत्य निर्णयाचे पर्यटक व नागरिकांकडून स्वागत होत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– साखर कारखान्याच्या माध्यमातून तालुक्याचा विकास व्हावा ; शेतकऱ्यांच्या उसाला चांगला दर मिळावा – आमदार सुनिल शेळके
– मावळ तालुक्यातील इंदुरी येथील भुईकोट किल्ल्यावर 61 फुटी भगव्या ध्वजाचे लोकार्पण । Maval News
– मोठी बातमी : श्री संत तुकाराम महाराज संस्थानच्या अध्यक्षपदी जालिंदर मोरे यांची निवड ; चुरशीची लढतीत 63 मतांनी विजयी । Dehu News
