Dainik Maval News : मुंबई-पुणे लोहमार्गावर एक खळबळजनक घटना उघडकीस आली आहे. मुंबईहून पुण्याकडे येणाऱ्या रेल्वेमार्गावर, कर्जत आणि लोणावळा दरम्यान स्टेशन ठाकूरवाडी येथे किलोमीटर क्रमांक 112 याठिकाणी रेल्वे रुळाजवळ बेवारस पडलेल्या एका संशयास्पद गुलाबी रंगाच्या सुटकेसमध्ये एका अज्ञात महिलेचा मृतदेह आढळून आला आहे.
एका रेल्वे प्रवाशाचे लक्ष या सुटकेसकडे गेले आणि दुर्गंधी आल्याने त्यांनी तातडीने याबाबत प्रशासनाला माहिती दिली. यानंतर लोणावळा रेल्वे पोलिसांनी त्वरित घटनास्थळी धाव घेतली. पोलिसांनी सुटकेस उघडली असता, आत एका महिलेचा मृतदेह कुजलेल्या अवस्थेत आढळला.
- मृतदेहाची ओळख अद्याप पटलेली नाही. लोणावळा रेल्वे पोलिसांनी या महिलेची ओळख पटवण्यासाठी तपास सुरू केला आहे. या घटनेमुळे परिसरात एकच खळबळ उडाली आहे. महिलेची हत्या करून पुरावा नष्ट करण्याच्या उद्देशाने मृतदेह सुटकेसमध्ये टाकून रेल्वे रुळाजवळ फेकण्यात आला असावा, असा प्राथमिक अंदाज व्यक्त करण्यात येत आहे.
लोणावळा रेल्वे पोलिस या प्रकरणाचा अधिक तपास करत असून, लवकरच या महिलेची ओळख पटेल आणि गुन्ह्याची उकल होईल, अशी अपेक्षा आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– सहारा ग्रुपवर ईडीची कारवाई ; अ‍ॅम्बी व्हॅली सिटी येथे 707 एकर जमीन जप्त, बनावट नावांनी खरेदी केली होती जमीन
– वडगाव मावळ येथे सलग बारा तास महावाचन ; शासकीय कर्मचाऱ्यांकडून महापुरुषांना अनोख्या पद्धतीने अभिवादन
– महत्वाची बातमी : शिधावाटप दुकानदारांच्या कमिशनमध्ये प्रतिक्विंटल 20 रुपये वाढ करण्याचा निर्णय
– मोठी बातमी : नगरपरिषद, नगरपंचायत, औद्योगिक नगरीच्या अध्यक्षांना हटविण्याचे अधिकार आता सदस्यानांच
