Dainik Maval News : तळेगाव दाभाडे शहराचे ग्रामदैवत श्री डोळसनाथ महाराज यांच्या वार्षिक उत्सवाच्या पार्श्वभूमीवर वाहतूक विभागाने शहरातील वाहतूक मार्गातील बदलाबाबत आदेश दिले आहेत.
तळेगाव वाहतूक विभागाच्या हद्दीत श्री डोळसनाथ महाराज यात्रा उत्सव हा रविवार, दिनांक ३० एप्रिल ते गुरुवार, दिनांक ३ एप्रिल २०२५ या कालावधीत साजरा होत आहे. यादरम्यान श्री डोळसनाथ महाराज मंदिर परिसरात मोठ्या प्रमाणात भाविक दर्शनासाठी येणार असून मंदिर परिसरात वाहतूक कोंडी होण्याची शक्यता आहे. त्यामुळे याकाळात वाहतूक कोंडी न होता वाहतूक सुरळीत सुरू राहावी यासाठी वाहतूक मार्गात बदल करण्याचे आदेश वाहतूक शाखेचे पोलीस उपायुक्त बापू बांगर यांनी दिले आहेत.
वाहतूक मार्गात केलेले बदल
1. जिजामाता चौकातून डोळसनाथ मंदिराकडे जाणाऱ्या सर्व प्रकारच्या वाहतुकीस प्रवेश बंदी
पर्यायी मार्ग – मारुती मंदिर चौक – नगर परिषद इमारती समोरून – संभाजी नगर – नालबंदी गल्ली – गणपती चौक मार्गे पुढे इच्छित स्थळी
2. सुभाष चौकाकडून डोळसनाथ मंदिराकडे जाणाऱ्या सर्व प्रकारच्या वाहतुकीस प्रवेश बंदी
पर्यायी मार्ग – मारुती मंदिर चौक – नगर परिषद इमारती समोरुन – संभाजी नगर – गणपती चौक मार्गे पुढे इच्छित स्थळी
3. घोरवाडी रेल्वे स्टेशनकडून गणपती चौक मार्गे जिजामाता चौक व डोळसनाथ महाराज मंदिराकडे जाणाऱ्या सर्व प्रकारच्या वाहतुकीस प्रवेश बंदी
पर्यायी मार्ग – गणपती चौक (डावीकडे वळून) – नालबंदी गल्ली – संभाजी नगर – नगर परिषद इमारती समोरून – मारुती मंदिर चौक मार्गे पुढे इच्छित स्थळी
वाहतूक मार्गातील हे बदल रविवार (दि.३०) सकाळी सहा वाजल्यापासून ते गुरुवार (दि.३) रात्री बारा वाजेपर्यंत असणार आहेत. वाहन चालकांनी पर्यायी मार्गाचा वापर करावा असे आवाहन तळेगाव वाहतूक शाखेकडून करण्यात आले आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मिसिंग लिंक झाला, आता मुंबई-पुणे द्रुतगती मार्ग आठ पदरी करण्याचा प्लॅन ; एमएसआरडीसीकडून सरकारला प्रस्ताव । Mumbai Pune Expressway
– शेतकऱ्यांना मोठा दिलासा ! पुणे जिल्ह्यातील 146 किमी पाणंद रस्ते मोकळे, मावळमधील 23.8 किमी पाणंद रस्ते मोकळे
– कामाची बातमी : भूमिअभिलेख विभागाकडून गाव नकाशा ऑनलाईन उपलब्ध, असा चेक करा तुमच्या गावचा नकाशा
