मावळ तालुक्यातील आढे ग्रामपंचायतीच्या सरपंच सुनिता ज्ञानेश्वर सुतार यांना राजा शिवछत्रपती महाराष्ट्र रत्न राज्यस्थरीय आदर्श सरपंच पुरस्कार 2023 प्रदान करण्यात आला. शुक्रवारी (दिनांक 15 डिसेंबर) रोजी मुंबईत हा पुरस्कार प्राृदान सोहळा पार पडला. अल्पसंख्यांक आयोग दिल्लीचे सदस्य डॉ. अविनाश सकुंडे, मुंबई गुन्हे शाखेचे पोलीस निरीक्षक नासीर हुसेन, सिने अभिनेत्री कादंबरी शुक्ला, सरपंच सेवा महासंघ पुणे जिल्हा अध्यक्ष विकास शिवाजीराव कडू पाटील यांच्या उपस्थितीत पुरस्कार वितरण सोहळा संपन्न झाला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
आंतरराष्ट्रीय मानवाधिकार राजदूत संघटना यांच्या वतीने दरवर्षी विविध क्षेत्रात समाजासाठी अपवादात्मक समर्पण, वचनबद्धता आणि महत्त्वपूर्ण योगदान देऊन उल्लेखनीय कामगिरी करणाऱ्या व्यक्तींचा शिवछत्रपती महाराष्ट्र रत्न राज्यस्तरीय पुरस्कार देऊन गौरव केला जातो. या वर्षी महाराष्ट्रातील 17 सरपंचांची यासाठी निवड करण्यात आली होती. गावातील उत्कृष्ट कामगिरी, व्यवस्थापन, अंमलबजावणी, ग्रामपंचायत कार्याची माहिती याचा समावेश करण्यात आला होता. त्यामध्ये मावळ तालुक्यातील आढे ग्रामपंचायत सरपंच सुनिता ज्ञानेश्वर सुतार यांचीही महाराष्ट्रातून निवड करण्यात आली आहे. ( State Level Ideal Sarpanch Award to Sunita Sutar Sarpanch of Adhe Village Maval )
अधिक वाचा –
– मावळ भाजपाच्या गाव भेट दौऱ्याला नाणे मावळ भागातून सुरुवात! पक्षाचे अनेक नेते, पदाधिकाऱ्यांचा दौऱ्यात समावेश
– ग्लास स्कायवॉक प्रकल्पासाठी 333 कोटींचा निधी मिळवून दिल्याबद्दल आमदार सुनिल शेळकेंचा नागरिकांकडून जंगी सत्कार
– आमदार सुनिल शेळकेंच्या माध्यमातून मावळ तालुक्यातील ‘या’ 15 ग्रामपंचायतींना मिळाल्या घंटागाड्या
