Accident On Mumbai Pune Expressway : एका टेम्पो चालकाचे वाहनावरील नियंत्रण सुटल्याने अपघात झाल्याची घटना आज (दि. 11 जून) पहाटेच्या सुमारास मुंबई – पुणे द्रुतगतीमार्गावर घडली. आज, मंगळवारी पहाटे साडेचारच्या सुमारास हा अपघात घडला, यात टेम्पो चालक गंभीर जखमी झालाय. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
4 वा. 30 मि. सुमारास मुंबई पुणे एक्सप्रेस वेवर मुंबई लेनवर किमी. 38.400 येथे टेम्पो (क्रमांक. DD-01-A 9879) वरील चालक गोविंद कुमार (वय 35 वर्षे रा. राजपूर – उत्तरप्रदेश) याचे वाहनावरील नियंत्रण सुटले आणि टेम्पोची धडक अनोळखी वाहनाला बसली. यात टेम्पोती केबिन पूर्णपणे दबली गेली, त्यात चालकाच्या पायाला गंभीर स्वरूपाची दुखापत झाली. ( Tempo accident on Mumbai Pune Expressway )
अपघाताची माहिती मिळताच आयआरबी पेट्रोलिंग, देवदूत यंत्रणा, महामार्ग वाहतूक पोलीस यंत्रणा – बोरघाट, खोपोली पोलीस स्टेशनची यंत्रणा, अपघातग्रस्तांच्या मदतीसाठी सामाजिक संस्था, डेल्टा फोर्स आणि महाराष्ट्र सुरक्षा बलच्या जवानांनी तातडीने घटनास्थळी जात मदत कार्य केले. जखमी वाहनचालकाला केबीनमधून बाहेर काढून एम.जी.एम. हॉस्पिटल कामोठे, पनवेल येथे रवाना करण्यात आले. तसेच अपघातग्रस्त वाहन बाजूला काढून वाहतूक सुरळीत करण्यात आली.
अधिक वाचा –
– कुसगावकरांचे स्वप्न पूर्ण ! दत्तवाडी रस्त्यावरील नव्या पुलाचे आमदार शेळकेंच्या हस्ते लोकार्पण, नागरिकांनी व्यक्त केले समाधान
– वडगावात राष्ट्रवादी काँग्रेस शरदचंद्र पवार पक्षाकडून पक्षाचा 25वा वर्धापन दिन साजरा । Vadgaon Maval
– मोठी बातमी ! काश्मीरमध्ये दहशतवादी हल्ला, एकीकडे नरेंद्र मोदींचा शपथविधी तर दुसरीकडे 10 यात्रेकरूंचा गोळीबारात मृत्यू
