Dainik Maval News : मावळ तालुक्यातील भाजे ग्रामपंचायतीत मागील दोन महिन्यापासून ग्रामसेवक नसल्याची परिस्थिती आहे. भाजे गावच्या ग्रामपंचायत अधिकारी मोहिनी दौंडकर ह्या रजेवर गेल्याने त्यांच्या जागी नव्या ग्रामपंचायत अधिकाऱ्याची नियुक्ती करण्यात आली, परंतु संबंधित अधिकाऱ्याने पदभार न स्वीकारल्याने भाजे ग्रामपंचायतीत दोन महिन्यापासून ग्रामसेवक नाही.
ग्रामसेवक नसल्याने ग्रामपंचायतीची व गावकऱ्यांची अनेक कामे खोळंबली असून संतप्त ग्रामस्थांनी गटविकास अधिकाऱ्यांची भेट घेऊन मंगळवार (दि. 15 एप्रिल) पर्यंत गावाला ग्रामसेवक द्या, अन्यथा उपोषण करणार असल्याचा इशारा दिला आहे.
- भाजे ग्रामपंचायतीच्या ग्रामपंचायत अधिकारी मोहिनी दौंडकर या दिनांक 10 फेब्रुवारी 2025 पासून वैद्यकिय कारणास्तव रजेवर गेल्या आहेत. त्यामुळे भाजे गावचा अतिरिक्त कार्यभार वेहेरगाव गावचे ग्रामपंचायत अधिकारी गणेश राजू आंबेकर यांच्याकडे देण्यात आला होता. परंतु त्यात अंशतः बदल करून भाजे गावचा अतिरिक्त पदभार मळवली गावच्या ग्रामपंचायत अधिकारी पुनम सुर्यवंशी यांच्याकडे देण्याबाबतचा आदेश गटविकास अधिकारी के.के. प्रधान यांनी 25 फेब्रुवारी रोजी दिला होता.
सुर्यवंशी यांनी मळवली गावचा पदभार सांभाळत असताना भाजे गावचा पदाभार पाहायचा होता व मोहिनी दौंडकर यांच्याकडून पदभार स्वीकारायचा होता. परंतु पुनम सुर्यवंशी यांनी अद्याप भाजे ग्रामपंचायतीचा ग्रामपंचायत अधिकारी म्हणून पदभार स्वीकारलेला नाही. याबाबत सुर्यवंशी यांच्याशी संपर्क साधला असता, त्यांनी आपली तब्येत ठिक नसून लवकरच रजेवर जाणार असल्याचे सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– अमृत भारत स्टेशन योजनेंतर्गत महाराष्ट्रातील 132 रेल्वे स्थानकांचा होणार कायापालट ; पाहा रेल्वे स्थानकांची यादी व मंजूर निधी
– सोमाटणे फाटा येथील कोंडी सोडविण्यासाठी पीएमआरडीएच्या जागेत रस्त्यांचे रुंदीकरण करावे – खासदार श्रीरंग बारणे
– ना दाखला ना कुठली सेवा मिळणार ; थकबाकीदारांवर वडगाव नगरपंचायत करणार कठोर कारवाई । Vadgaon Maval
