Dainik Maval News : मावळ तालुक्यातील नवलाख उंब्रे येथे घरासमोर पार्क केलेली दुचाकी चोरून नेणाऱ्या दोघांना तळेगाव एमआयडीसी पोलिसांनी अटक केली. ही घटना रविवारी (दि.6) सकाळी उघडकीस आली. अवघ्या काही तासांमध्ये पोलिसांनी आरोपींना अटक केली आहे.
अनिल दत्ता पवार (वय 37, रा. नवलाख उंब्रे, मावळ. मूळ रा. यवतमाळ), युनूस चांदखान पठाण (वय 39, रा. नवलाख उंब्रे, मावळ. मूळ रा. बीड) अशी अटक केलेल्या आरोपींची नावे आहेत. याप्रकरणी संतोष शिवनारायण यादव (वय 35, रा. नवलाख उंब्रे, मावळ) यांनी तळेगाव एमआयडीसी पोलीस ठाण्यात फिर्याद दिली आहे.
- पोलिसांनी दिलेल्या माहितीनुसार, संतोष यादव यांनी त्यांची 1 लाख 10 हजार रुपये किमतीची दुचाकी त्यांच्या घरासमोर पार्क केली होती. शनिवारी रात्री पावणेबारा ते रविवारी पहाटे साडेपाच वाजताच्या कालावधीत अज्ञात चोरट्यांनी दुचाकीचे लॉक तोडून दुचाकी चोरून नेली.
रविवारी सकाळी पोलिसांना घटनेची माहिती देण्यात आली. पोलिसांनी परिसरातील सीसीटीव्ही तपासात आरोपी निष्पन्न करून त्यांना अवघ्या काही तासांत अटक केली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महत्वाची बातमी : पुणे – लोणावळा रेल्वे मार्गावर 3 दिवसांचा ब्लॉक, लोकलसह एक्स्प्रेस गाड्यांच्या वेळापत्रकात बदल । mega block on central railway
– आयपीएस सत्यसाई कार्तिक यांच्या बदलीच्या एक महिन्यानंतरही उपविभागीय पोलीस अधिकाऱ्याची खूर्ची रिकामीच । Lonavala News
– पर्यटनासाठी येताय? मग 9850112400 हा नंबर सेव्ह करून ठेवा ; लोणावळा पोलिसांकडून पर्यटकांसाठी हेल्पलाइन नंबर सुरू । Lonavala Tourist Helpline Number
