भारतीय जनता पार्टी मावळ विधानसभा क्षेत्रातील कार्यकर्त्यांचा प्रशिक्षण वर्ग वैशाली मंगल कार्यालय तळेगाव दाभाडे येथे संपन्न झाला. या प्रशिक्षण वर्गास प्रमुख मार्गदर्शक म्हणून आमदार श्रीकांत भारतीय, माजी राज्यमंत्री बाळा भेगडे, पुणे जिल्हा नियोजन समिती सदस्य शरद बुट्टे पाटील उपस्थित होते. तर प्रमुख पाहुणे म्हणून भाजपा पश्चिम महाराष्ट्र अध्यक्ष जालिंदर कामठे उपस्थित होते. ( Training Class Of Bharatiya Janata Party Maval Assembly Constituency Workers At Talegaon Dabhade )
भाजपा मावळ तालुका अध्यक्ष म्हणून रविंद्र भेगडे यांनी यावेळी तालुक्यातील संघटनात्मक कार्याचा आढावा देऊन कार्यक्रमाचे प्रास्ताविक करत आगामी काळात बूथ सशक्तीकरण अभियान अंतर्गत करावयाच्या अल्प विस्तारक योजने संदर्भात सविस्तर माहिती देऊन कार्यकर्त्यांना संबोधित केले. तसेच येणाऱ्या विधानसभा निवडणुकीत मावळ विधानसभेवर भारतीय जनता पार्टीचाच विजयी झेंडा फडकवण्याचा संकल्प व्यक्त केला.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
त्याचप्रमाणे शरद बट्टे पाटील यांनी केंद्र शासन आणि राज्य शासनाच्या जनकल्याणकारी योजना जनतेपर्यंत कशा पद्धतीने पोहोच होतील आणि बूथ स्तरावर त्याची घरोघरी अंमलबजावणी कशा पध्दतीने करावी यासंदर्भात सविस्तर मार्गदर्शन केले. तसेच आमदार श्रीकांत भारतीय यांनी बूथ सशक्तीकरण अभियान अंतर्गत बूथ अध्यक्ष, शक्ती केंद्र प्रमुख, बूथ विस्तारक यांनी बूथ स्तरावर संघटनात्मक कार्य कशा पद्धतीने वाढवता येईल, प्रत्येक बूथ वर मतदानाची टक्केवारी कशी वाढवता येईल यासंदर्भात सविस्तर मार्गदर्शन केले.
तसेच माजी राज्यमंत्री बाळा भेगडे यांनी आगामी काळातील स्थानिक स्वराज्य संस्थांची निवडणूक म्हणजे विधानसभेची रंगीत तालीम असते, यासाठी आगामी काळात होणाऱ्या सर्व निवडणुका जिंकण्यासाठी कार्यकर्त्यांनी कार्य करावे याबाबत मार्गदर्शन केले. तर आभार प्रदर्शन तळेगाव शहराचे अध्यक्ष रविंद्र माने यांनी केले. या प्रशिक्षण वर्गाला मावळ विधानसभा क्षेत्रातील सर्व बूथ अध्यक्ष, सर्व शक्ती केंद्र प्रमुख, सर्व शक्ती केंद्र विस्तारक, सर्व गण अध्यक्ष, गट अध्यक्ष, भागाचे अध्यक्ष, मंडल अध्यक्ष आजी माजी लोकप्रतिनिधी पदाधिकारी कार्यकर्ते मोठ्या संख्येने उपस्थित होते.
अधिक वाचा –
– तळेगाव दाभाडेत ‘अरावल्ली टेरेन व्हेईकल चॅम्पियनशिप 2023’ स्पर्धेचे आयोजन, देशभरातील विद्यार्थी सहभागी । ATVC 2023
– ‘काँग्रेस-राष्ट्रवादीने लादलेला शास्तीकर युती सरकारने माफ केला, शिंदे-फडणवीसांचा भव्य नागरी सत्कार होणार’, खासदार बारणेंची माहिती
