Dainik Maval News : महाराष्ट्र साहित्य परिषदेच्या मावळ शाखेचा वाचन कट्टा नुकताच तळेगाव दाभाडे येथील संजीवनी मुलींच्या वसतिगृहात पार पडला. यात अनेक साहित्यिकांच्या दर्जेदार साहित्याचा अतिशय उत्तम पणे मागोवा घेण्यात आला. वसतीगृहाच्या संचालिका आसावरी बुधकर यांनी वाचनकट्ट्यामुळे मुली समृद्ध बनल्याचे मनोगत व्यक्त केले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वाचन कट्ट्यात सुरुवातीला संजीवनी वसतिगृहातील नम्रता शेडगे (इयत्ता आठवी) हिने ‘शोधा शोध’ नावाची नाट्यछटा अभिवाचित केली. तसेच हर्षल आल्पे आणि योगंधरा बढे यांनी श्रीकृष्ण पुरंदरे लिखित ‘सुखी जीवनाभोवती’ही नाटिका अभिवाचित केली. यानंतर पुरंदरे यांनी मधु मंगेश कर्णिक, प्रकाश गोळे यांच्या कथांचे अभिवाचन केले. ( Vachan Katta Held at Sanjeevani Girls Hostel in Talegaon Dabhade )
विशेष उल्लेख हर्षल आल्पे यांनी अभिवाचित केलेल्या व्यंकटेश माडगूळकर लिखित ‘वारी’ या कथेला मान्यवरांनी आणि रसिकांनी भरभरून दाद दिली. या कार्यक्रमाला अनेक मान्यवर उपस्थित होते. सुधाकर देशमुख तसेच उर्मिला बासरकर, अमित बांदल, संकेत बनसोडे, रंजना मुंगीकर, ज्योती वैद्य आणि सामाजिक कार्यकर्ते संग्राम जगताप यांची विशेष उपस्थिती होती.
सुधाकर देशमुख यांनी यावेळी बोलताना, वाचन कट्ट्याचे तसेच संजीवनी वसतिगृहाचे तोंड भरून कौतुक केले. तर, संग्राम जगताप यांनी वसतीगृहाला लागेल ती सर्वतोपरी मदत करण्याचे जाहीर आश्वासन दिले. संजीवनी वसतिगृहाच्या संचालिका आसावरी बुधकर यांनी सर्वांचे विशेष आभार मानले.
अधिक वाचा –
– कणखर आवाज हरपला ! प्रसिद्ध निवेदक अनिल धर्माधिकारी यांचे निधन । Talegaon Dabhade
– पर्यटन बंदी विरोधात लोणावळ्यात टॅक्सी असोसिएशनचा पायी मोर्चा, प्रशासनाला निवेदन देत तीव्र आंदोलनाचा इशारा । Lonavala News
– टाकवे बुद्रुक येथून अपहरण झालेल्या ‘त्या’ अल्पवयीन मुलीचा शोध लागला, तीन आरोपी ताब्यात, वडगाव मावळ पोलिसांची कामगिरी
